ELEISAUN LIDERANSA KOMUNITARIA 2009

XEFI SUKU FOUN INKONTRU HO PR HORTA HUSU EDUKA NIA POVU

2009-11-25T22:23:00.000-08:00

Dili-Timor Leste / Suara Timor Leste, 26 Novembru 2009-p4-oki

Xefe Suku foun iha Timor laran tomak, Kuarta horisehik halao reuniaun ho Prezidenti Republika hodi deskuti dezenvolvmentu area rural. Iha inkontru ne’e, Jose Ramos Horta husu ba xefe suku hotu atu eduka nia populasaun sira hodi hametin dame no estabilidade iha rai laran.

Paz no estabilidade iha Timor Laran sei frazil tebes hafoin mosu krizi politika militar iha tinan 2006. Dame iha rai laran bele nakfera bainhira deit kuandu la kuidado didiak. Tamba ne’e lideransa sira “ hakilar” bebeik hodi hametin paz.

“Kuandu iha suku laran mak la iha estabilidade no paz, entaun sei afeita mos estabilidade rai laran. Tamba ne’e kna’ar xefe suku sira tenke eduka nia povu hodi evita problema,” katak Horta.

Xefe Suku Bobometo, Sub Distritu Oe-silo, Distritu Oecusse, Bento Bobo apresia tebes ho sorumutu ida ne’e tamba bele rona, simu no hetan liafuan murak husi Prezidenti Republika Horta kona-ba oinsa konsolida dame no paz iha suku laran.

Nune’e Xefe Suku Comoro, Ernestu da Costa de Jesus kontente tebes ho planu Xefe Estadu nian kona-ba oinsa hametin dame, paz no eduka populasaun hodi hadook an husi problema oin-oin.

Lideransa komunitaria hamutuk nain haat nulu resin ne’ebe partisipa inkontru ne’e diskuti klean liutan kona-ba sosiu ekonomia.

Xefe Estadu iha sorumutu ne’e hateten iha tinan 2010 Governo no Estadu sei fo prioridade maka’as ba seitor privadu no internasional hodi investe iha Timor Leste atu hadia moris povu nian.

Tuir nia atu reduz numeru kiak iha rai laran Xefe Suku sira ne’e tenke rekolha didiak dadus ba ferik katuas sira ne’ebe idade 60 ba leten, liu-liu sira ne’ebe seidauk hetan subsidiu husi governo.

Nune’e, PR Horta mos husu atu xefe suku sira bele kontrola nia povu sira hodi kuidadu ambiente ne’ebe mos atu nune’e la bele hafoer imajina rai ida ne’e nian. Tamba, atu sai nasaun ida ne’ebe diak tenke iha ambiente ne’ebe mos.

Tuir palnu sei iha mos kompetisaun limpeza ba suku hotu- hotu iha loron-loron importante hanesan Loron Proklamasaun Independensia no Loron Restaurasaun Independensia, atu nune’e bele dada atensaun povu nian hodi hadomi ambiente.

Programa limpeza jeral, Xefe Suku Bobometo promote atu hanorin nia povu sira hodi sai matenek no oinsa konserva ambiente ne’ebe diak hodi rai ida ne’e bele nafatin buras hanesan nasaun sira seluk iha mundu. ***

FETO HETAN DEIT 2,262 % IHA ELEISAUN XEFE SUKU 2009

2009-11-25T21:03:00.001-08:00

Dili – Timor Leste / Rede Feto Timor Leste / 26 Novembru 2009

Depois Eleisaun Lideransa Komunitaria (ELK) halao iha dia 9 Outobru 2009, Komisaun Nasional ba Eleisaun hatoo resultadu sira hetan ba Tribunal Rekursu atu bele hetan legalizasaun inklui mos hetan desizaun ba reklamasaun ne’ebe tama ba CNE. Maski durante prosesu eleisaun rasik, STAE hetan problema barak maibe ita bele dehan eleisaun ne’e lao ho diak.

Depois CNE hatoo sira nia resultadu Eleisaun Lideransa Komunitaria ba Tribunal rekursu, iha loron 18 fulan Novembru 2009 Tribunal ne’e fo sai kona-ba sira nia desizaun final ba Eleisaun Lideransa Komunitarian. Beseia resultadu ida ne’e, Tribunal Rekursu hatoo lista kandidatu Xefe Suku sira eleitu ho total 441 kandidatu. Tribunal Rekursu mos fo sira nia desizaun final relasiona ho problema ne’ebe akontese iha suku Raimea – Covalima ne’ebe entre kandidatu Domingus dos Reis no Jorge Pereira hetan resultau hanesan. Ba kazu ida ne’e Tribunal desidi halo eleisaun segunda iha Suku Raimea, Sub Distritu Zumalai, Distritu Covalima baseia ba artigu 33, 34 no artigu 35 husi Lei 3/2009.

Husi lista kandidatu Xefe Suku ne’ebe Tribunal Rekursu fo sai, husi total 442 suku ne’ebe iha, kandidata feto sira manan deit iha suku 10. Maski persentasaun ne’e kiik maibe lideransa feto iha nivel suku aumenta feto nain 2 kompara Eleisaun Xefe Suku 2004/2005. Durante prosesu kampanha, kandidata feto ho total 42 halao sira nia programa kampanha ida-idak atu bele manan eleisaun. Ikus mai kandidata feto nain 10 deit maka eleitu iha loron 9 fulan Outobru 2009. Ida ne’e hatudu mai ita katak feto hanesan sexo maoria iha Timor Leste seidauk fo apoiu total ba kandidata feto sira ne’ebe kompete iha eleisaun. Husi resultadu ida ne’e ita hatene katak feto hetan deit 2,262 % kompara ho kandidata mane sira ne’ebe hetan 97,738 %.

Kandidatu feto ne’ebe eleitu atu tuur hanesan xefe suku hanesan :

Cristalina Quintao (suku Railako leten / sub disritu Railaco / Distritu Ermera)
Filomena Soares (suku Fahisau / Sub Distritu Lequidoe / Aileu)
Fransisca Monica F. Soares (Soba / Sub Distritu Laga / Distritu Baucau),
Terezinha de Deus dos Reis (Bucoli / Sub Distritu Baucau / Distritu Baucau),
Maria Lidia de Jesus (Gariuai / Sub Distritu Baucau / Distritu Baucau),
Maria dos Carmo da’Sa (Suku Triloca / Sub Distritu Baucau / Distritu Baucau)
Joana M. Da Fonseca P. (Suku Afalocai / Sub Distritu Uatocarbau / Distritu Viqueque)
Rita Monteiro (Suku Liaruca / Sub Distritu Ossu / Distritu Viqueqeu),
Maria Soares de Jesus Sousa (Suku Ritabou / Sub Distritu Maliana / Distritu Maliana)
Maria Fatima (Suku Maudemo / Sub Distritu Tilomar / Distritu Covalima)

***(RFTL-icp09)

HALAKON DISKRIMINASAUN KONTRA FETO SIRA IHA AREA RURAL

2009-10-13T23:41:00.001-07:00

Dili, 15 Outobru 2009/ Loron Internasional Feto Rural/REDE FETO TIMOR LESTE

Rede Feto Timor Leste hakarak hato’o parabens ba feto maluk ne’ebe moris iha area rurais tamba iha loron 15 Fulan-Outobru 2009 selebra Loron Internasional Feto Rural. Iha loron ida ne’e, mundu tomak halao refleksaun ba kondisaun feto rurais nian ne’ebe infrenta obstaklu bar-barak. Too ohin loron, feto barak iha area rural hetan limitasaun atu bele uza sira nia direitu iha area saude no edukasaun. Feto barak sei hasoru problema saude reproduktiva no numeru mortalidade ne’ebe a’as. Sira mos dalaruma susar atu lori sira nia produtu ba mercado impaktu husi estrada ne’ebe ladiak. Laos ida ne’e deit, be’e mos, elektrisidade no limitasaun informasaun mos sai problema importante ne’ebe tenke resolve lalais .

Maski sira infrenta obstaklu barak maibe sira fo ona kontribuisaun maka’as ba ita nia dezenvolvimentu liu-liu iha setor agrikultura no ekonomia rural. Maizemenus numeru feto besik milaun 428 serbisu iha setor agrikultura atu bele produz hahan ba sosiedade. Maski sira serbisu iha setor ida ne’e maibe sira sei halao nafatin sira nia funsaun atu tau matan ba sira nia oan no familia.

Feto iha area rural mos hetan impaktu maka’s husi mudansa iklimatika tamba isue global ida fo impaktu sira susar atu bele hetan be’e nomos ai sunu ba sira na familia. Sira tenke lao dook no husik sira nia eskola no serbisu agrikultura. Posisaun ida ne’e halo sira hetan risku husi hahalok violensia baseia ba jeneru.

Atu bele proteze feto iha area rurais, Nasaun Unidas halao ona Konferensia Mundial ba Feto ba Dala Ha’at iha tinan 1995 nomos Konferensia Milenium iha tinan 2000. Sira mos aprova Konvesaun Halakon Diskriminasaun Hotu-Hotu kontra Feto (CEDAW) hanesan instrumental direitu Umanus ida. Artigu 14 husi konvensaun ida ne’e hateten katak nasaun ne’ebe ratifika konvensaun ida ne’e iha responsibilidade atu bele halakon diskriminasaun kontra feto sira iha area rural nomos hola medidas lolos atu garantia aplikasaun lei husi konvensaun ida ne’e, ba feto sira iha area rural.

Baseia Relatorio Alternativa ba Konvensaun CEDAW ne’ebe sosiedade sivil Timor Leste hato’o ba Komite CEDAW hateten katak feto Timor Leste ladun hetan oportunidade hanesan ho mane sira iha asesu ba area edukasaun, assistensia saude nomos asesu ba justisa formal. Relatorio ida ne’e mos esplika katak feto agrikultor susar atu faan sira nia produtu lokal iha merkadu sidade tamba menus sosa nain nomos barak la hetan asesu ba transporte atu lori sasan ba merkadu sidade, fatin area rural barak laiha estrada ka estrada a’at no laiha transporte publiku.

Klaru ba ita, problema ne’ebe feto iha area rurais hasoru sai mos hanesan feto hotu-hotu nia problema ne’ebe tenke resolve lalais. Durante Kongresu Feto Timor Leste ba dala III tinan 2008, feto husi distritu akumula sira nia problema no halao sira plano de asaun ida atu bele lori feto nia kondisaun tuir feto nia hakarak. Plataforma ida kompostu husi area 7 hanesan area politika, justisa, saude, kultura, edukasaun, ekonomia nomos media komunikasaun no transporte. Platafoma feto nian ida ne’e mos prezisa atensaun maka’as husi parte hotu-hotu. Bainhira ita la fo atensaun maka bele hamosu diskriminasaun iha area oin-oin, husi asesu edukasaun no saude, asesu ba kontrola rai, opurtunidade ba serbisu, ekonomia familia nian nomos partisipasaun iha publiku.

Eleisaun Lideransa Komunitaria ne’ebe foin remata mos sai hanesan dalan demokrasia ida atu bele hili lideransa komunitaria hanesan Xefe Suku, Xefe Aldeia nomos Konselhu Suku. Maske husi resultadu provisoriu hatudu katak kandidata feto nain 11 maka eleitu sai xefe suku maibe faktus ida ne’e hatudu mai ita katak kapasidade feto nian iha area politika komesa aumenta. Husi eleisaun ida ne’e mos, feto hamutuk ho total 1326 sei sei tuur iha Konselhu Suku atu fo ideas ba dezisaun suku nian liu-liu atu bele resolve problema feto ninian. Husi numeru hirak ne’e, ita espera katak sira bele luta nafatin ba depende intereste feto ninian atu bele lori dezenvolvimentu beseia ba igualdade jeneru.

Dala ida tan, ita hotu espera katak, komemorasaun Loron Internasional Feto Rural 2009 bele lori mudansa signifikan ba kondisaun feto sira iha area rurais no fo opurtunidade diak-liutan ba feto sira bele goza sira direitu.

A luta kontinua

Obrigada

ELEISAUN 9 OUTUBRU 2009, DALAN ATU HILI LIDERANSA KOMUNITARIA FOUN

2009-10-07T19:27:00.000-07:00

Dili, 08 Outobru 2009/RFTL

Eleisaun hanesan dalan demokrasia ida. Liu husi eleisaun, sidadaun sira ne’ebe iha direitu atu vota tuir lei bele uza sira nia direitu atu hili sira nia lideransa ne’ebe sira fiar bele lori sira ba dezenvolvimentu. Aban ita hotu tama ba fiesta demokrasia atu bele desidi ita nia lideransa komunitaria hanesan xefe suku, xefe aldeia no Konselhu Suku. Maski eleisaun ida ne’e hanesan eleisaun ba lideransa lokal maibe fiesta ida ne’e hanesan dalan ida atu haburas ita nia demokrasia ita ita nia rai. Ami espera katak ema hotu bele ba fatin votasaun atu bele partisipa iha eleisaun no desidi sira nia lideransa foun, ida ne’e hanesan ita nia responsibilidade ba futuru ita nia suku ida-idak.

Ita mos espera katak eleisaun ida ne’e bele lao ho diak, laiha intimidasaun no konflitu, laiha ema halai tamba diferensa politiku, kandidata ida-idak bele simu ho diak resultadu Eleisaun Lideransa Komunitaria ne’e ho laran luan, manan ka lakon. Ba kandidata ne’ebe manan no eleitu mos tenke serbisu maka’as para bele realiza sira nia programa iha suku laran, resolve problema ne’ebe sai obstaklu iha suku laran. Hanesan lideransa foun sira tenke hakuak ema hotu-hotu, feto ka mane iha suku laran atu bele partisipa ba dezenvolve suku nian. Sira mos tenke tau igualdade iha programa nia laran para feto mos hetan benifisiu no bele partisipa diak liu tamba sira mos iha kapasidade hanesan mane sira.

Hanesan ita nia fiesta demokratiku, ita hotu mos tenke hatene diak-liu ba prosesu eleisaun ne’ebe aban hahu ona. Atu bele haberan informasaun kona-ba prosesu ne’e, maka ami prepara ona artikel badak ida ne’e, obrigada.

Sentru Votasaun

Iha suku ida-idak sei fungsiona pelumenus Sentru Votasaun ida, bele mos STAE tamba numeru eleitor sira-nian ka tamba distansia dook entre aldeia sira loke tan Sentru Votasaun nian ida. Kada Sentru Votasaun sei kompostu husi Estasaun Votu nian ida no maximu Estasaun Votu 5. Iha Estasaun Votu ida bele simu eleitores 500 to’o 3000. Fatin no numeru Sentru Votasaun nian sei fo sai hamutuk ho lista kandidatura sira-nian. Iha Estasaun Votasaun ida-idak tenke iha ofisial eleitoral lokal nain lima (5) ne’ebe selesiona no rekruta no formadu husi STAE. Ofisial ne’e kompostu husi presidente da mesa, kontrolador formatura, ofiacial identifikasaun, oficial boletim votu no ofiacial kaixa votu. Baseia ba Plano Operasional Eleisaun Suku 2009, total Brigadista ne’ebe involve iha eleisaun suku 2009 ho total 543 brigadas. Husi total Sentru Votasaun 543 iha Timor laran tomak, total oficial Estasaun Votu hamutuk ho total 3.740 ofisiais. Sentru Votasaun ida-idak sei hetan segunransa husi Polisia Nasional Timor Leste no UNPOL.

Loron Eleisaun

Eleisaun Lideransa Komunitarian ba tinan 2009 sei halo iha loron 9 Fulan-Outobru iha suku ida-idak. Sidadaun Timor Leste ne’ebe maka iha tinan sanulu-resin-hitu ona iha direitu atu vota ba orgaun suku nian bainhira rejista tiha ona iha lista sira votantes nian husi suku ka aldeia ne’ebe maka rejista be. Eleitor sira ne’e tenke lori sira nia kartaun eleitoral aktualizadu (foun) ba vota iha fatin suku ita rejistu komesa tuku 7 dader to’o tuku 3 lokraik. Iha Sentru Votasaun, eleitor sira sei simu buletim vota ida. Iha buletin ne’e sei iha naran no retratu husi kandidatu sira ba xefe suku ne’ebe maka sei tau / taka iha parte leten lista kandidatura nian. Eleitor sira iha direito atu hili kandidatu ida iha buletin de vota tuir desisaun ida-idak nian ho dalan tau marka dala ida (usa prego ne’ebe oficial eleitoral prepara) iha parte sorin husi naran kandidatu nian. Depois tau marka, eleitor sira sei tau buletin de vota iha kaixa votasaun (urnas). Eleitor sira ne’ebe goza ona sira nia direito tenke tau sira nia liman fuan ida iha tinta permanente ne’ebe STAE prepara iha estasaun vota ida-idak.

Kontajen Votu no Apuramentu Kona-Ba Rezultadu Sira

Kontajen votu sira-nian sei halo husi estasaun votu nian hahu kedas hafoin enseramentu/taka sentru votasaun, analiza reklamasaun sira no ofisial eleitoral sira sei halao kedas iha ne’eba iha prezensa husi observador, fiskal eleitoral no membrus sira komunikasaun sosial nian tuir regulamentu ne’ebe maka propoin husi STAE no aprova husi CNE.

Validasaun no Proklamasaun Resultadu sira.

Iha suku sira ne’ebe maka funsiona deit sentru votasaun nian ida, hafoin remata kontajen no analiza tiha reklamasaun sira halao kedas apuramentu final no sei hakerek akta no relasaun jeral resultadu sira ne’ebe apuradu no sei taka iha parte liu Sentru Votasaun nian

Iha suku ne’ebe maka funsiona Sentru Votasaun nian liuhusi ida sei halo kontajen votu sira no apuramentu parsial no halo kedas apuramentu final iha sentru votasaun nian ne’ebe maka sei define husi STAE.

Akta final no reklamasaun sira ne’ebe simu sei haruka ba STAE, iha kapital distritu nian hafoin remata prosesu eleitoral tuir distritu, tau hamutuk dokumentus sira kona-ba votasaun iha suku ida-idak no entrega ba CNE hodi halo analize ba prosesu ne’e.

CNE analiza prosesu ne’e nomos reklamasaun sira ne’ebe maka dirije ba sira no deside, iha prazu semana ida nudar forma rekomendasaun ba tribunal kompetente. CNE haruka dokumentu sira ne’ebe kona-ba suku ida-idak ba tribunal kompetente atu valida no proklama rezultadu sira prosesu eleitoral nian iha loron tolunulu (30) nia laran.***

Ministerio Estatal, Arcangelo Leite : “Governo Esforsu Nafatin Atu Fo Apoio Tuir Posibilidade Ne’ebe Iha”

2009-10-07T00:49:00.000-07:00

Suara Timor Leste / Kuarta, 07 Outobru 2009

Ministeriu Administrasaun Estatal no Ordenamentu Teritoriu, Arcangelo Leite hateten mos katak Governo IV Konstitusional hakarak asegura Eleisaun Lideransa Komunitaria ne’e lao diak, partisipasaun komunidade masimu, povo tenke livre atu uza sira nia direitu demokratiku iha loron 9 Outobru oin mai.

Tamba ida ne’e papel governo ninian kona-ba implementasaun orgaun rua halao parte tekniku STAE ho supervisaun maka CNE. Governo sei lahatama nia kanuru tohar ba orgaun eleitoral rua ne’e maibe governo nia papel tenki asigura prosesu ne’e lao ho diak hodi uza nia direitu, la bele iha intimidasaun, labele usa direitu ne’e iha intimidasaun nia okos maibe tenki mai husi nia direitu no konsensia rasik iha sentru votasaun.

Governo mos rekonese katak Eleisaun Lideransa Komunitarian ne’e iha mos difikuldade barak mak durante ne’e hasoru maibe governo esforsu nafatin atu fo apoio tuir posibilidade ne’ebe iha atu nune’e difikuldade hasoru iha kampu bele menus.

Ida ikus Governu liu husi Ministeriu Estatal, Arcangelo Leite husu ba komunidade sira atu halao koperasaun no partisipasaun ba iha Eleisaun Lideransa Komunitaria tamba parte ida atu dezenvolve haburas no hametin demokrasia iha Timor Leste.(car)

TL Kopia Kartun Indonesia Iha Kampanha Eleisaun Suku – UNIFEM Duun TLMDC

2009-10-07T00:47:00.000-07:00

Suara Timor Leste / Kuarta 07 Outobru 2009

Dili, Preparasaun Eleisaun suku iha loron 9 Outobru mai sai hanesan istoria boot ba povo Timor Leste tamba ba dalauluk eleisaun ba Lideransa Komunitaria la representa husi partidu tuir obrigasaun lei lideransa komunitaria ne’ebe Parlamentu Nasional aprova liu ba. Maibe iventu historiku ne’e foer ho hahalok implementador sira ne’ebe deskonfia kopia material ka kartun Indonesia nian iha eleisaun suku.

Nudar nasaun foun lolos orguilo tamba bele halao iventu hirak ne’e maibe sai fali moe boot ida ba povo Timor Leste tamba kopia material nasaun seluk nian ba iha eleisaun suku ne’ebe suporta husi UNIFEM (united Nation Development Fund for Women), United Nation Democracy Fund ho Governo Finlandia.

Iha kartun ne’ebe hetan apoiu mos husi FONGTIL, Rede Feto no TLMDC ne’e derepenti hetan kritiku husi instituisaun Kemitraan Patnership Indonesia ne’ebe komplein tamba konsidera halao plagiat (kopia 100%) sira nia kartun iha kampanha eleisaun kandidatu lejislativu ne’ebe husu votu ba kandidatu feto sira. Iha kartun ida ne’e, kuaje laiha mudansa tamba Timor Leste kopia momos deit kartun Indonesia nian ne’ebe voka sidadaun Indonesia nain rua hamrik hanoin hela atu vota ba kandidatu ne’ebe iha sira nia kartun.

Tuir kartun ne’ebe disrio STL rekolha katak nhusi kartun Timor Leste nia ho titulu”Mai ita hamutuk hili kandidata feto” laiha diferente ho kartun Indonesia ho titulu “Untuk kesejakteraan, pilih caleg perempuan”, tamba iha kartun rua ne’e hatudu katak iha sidadaun nain rua feto ho mane iha fatin votasaun ne’ebe akompanha husi forsa seguransa TNI. No husi Timor Leste nian hamrik forsa F-FDTL foun ho farda kor kafe. Autor ba kartun TL nian halo plagiat muda tiha kor faru husi sidadaun rua ne’e no hasai tiha peci husi sidadaun Indoensia mane nian hodi muda ba sidadaun TL. Ikus liu kona-ba airin votasaun, autor muda husi rotan ba fali tripleks.

Dianne D.Arboleda hanesan manajer programa UNIFEM liu husi telefone rekonese sira suporta duni ajuda ba preparasaun ba kampanha eleisaun ne’ebe laos deit ba pamfleitu hanesan kartun ne’ebe husu ba partisipasaun sidadaun hotu hodi fo apoio ba feto maibe produz mos faru inklui formasaun ba jrnalista kona-ba prosesu ba eleisaun suku.

Maibe kona-ba produsaun ba brosura kampanha, Dianne konfesa katak UNIFEM fo fiar projeitu ne’e ba TLMDC hodi halao imprimi (cetak) brosure sira ne’e.

“Ami fo deit dana maibe atu kontratu se se, ne’e responsavel TLMDC nian tamba amo fo fiar ona ba sira. Ne’ebe atu hatene se mak halao imprimi, TLMDC maka hatene,” dehan Dianne.

Parte seluk, Deputada CNRT, Fernanda Lay hafoin simu informasaun ne’e hateten nia rasik simu ona pamfleitu orijinal Indonesia nian no haree katak iha duni plegiat ba brosura TL nian iha kampanha eleisaun suku.

Tamba ne’a, nia parte hola ona posizaun katakmsei halao konfirmasaun urjenti ba UNIFEM nomos Rede Feto, tamba tuir nia katak sekuandu terbukti Timor Leste kopia ema nian modelu brosura nein husi autorizasaun ne’e krimi no moe boot ba estadu Timor Leste.

“UNIFEM la bele halao asaun hanesan ne’e, Timor Leste presiza duni ajuda maibe tenke haree ajuda oinsa. La bele tamba araska foti tomak ema seluk nia modelu hodi hatun ita nia soberanu, ne’e hau la konkorda,” dehan Fernanda.

Fernanda Lay rekonese bainhira simu keixa ne’e nia parte triste tebes tamba intermos etika, ita kontra ona ema direitu ba produsaun nudar nain.

Nune’e, direitur Timor Leste Media Develompment Center bainhira diario ne’e kontaktu liu husi telemovel, maibe lakohi simu. (qdy/dd)

Tomas Cabral, Direitor STAE : “Serbisu Neutral, Transparansia no Imparsial, Laos ba Defende Fali Interese Ema Seluk Nian”

2009-10-07T00:43:00.000-07:00

Suara Timor Leste / Kuarta, 07 Outobru 2009

Sekretariadu Tehniku Administrasaun Eleitoral, Tomas de Rosario Cabral iha konferensia horisehik informa katak hahu ohin, STAE aloka ona ekipamentus eleisaun ba distritu 13. Alokasaun ekipamentus ne’e governu suporta transporte kareta hamutuk 285.

“Ba maluk sira atu be iha distritu hau lori STAE nia naran tamba kontribui ba serbisu estadu nian ne’ebe fo mai ita todan ba ita hotu, ita hotu tenki lori tamba dezenvolvimentu ba ita nia rai rasik, hanesan ita timor oan hanesan ita hotu mesak maluk deit,” nia haktuir.

Nia reforsa hodi husu ba staf STAE atu serbisu iha ne’e ho neutral, transparansia no imparsial, laos ba defende fali interese ema seluk nian, ita bot sira la kaer metin ida ne’e maka membrus STAE la tau sira nia funsaun ho diak.

“Hau la bandu ita bot sira atu tuir partidu maibe oas iha loron 9 Outobru, ita bot sira tenki serbisu ba Estadu Republika Timor Leste. Labele halao atividade sira selu,” nia tenik.

Ekipanmentu eleisaun tenke haruka ba distritu hotu tuir ba kalendariu distritu ida-ida. Ekipamentu hirak ne’e aprezenta ba iha koordinator STAE distritu ida-idak nomos Administrasuan Distritu (AD) nomos komando PNTL distritu, ekipamentu depois apuramentu.***

Mekanismu STAE Faila, Povo 30% Sei La Tuir Vota

2009-10-07T00:41:00.000-07:00

Timor Post/ Kuarta, 07 Outobru 2009

Dili- Deputadu Parlamentu Nasional, Natalino dos Santos hateten katak tuir kalkulasaun povu kuaze percentu 30 sei la tuir Eleisaun Lideransa Komunitaria (ELK) iha 9 Outobru ida ne’e tamba failansu mekanismu ne’ebe STAE iha.

Failansu ne’ebe maka Deputadu Natalino dehan populasaun sira barak preokupa hela kartaun eleitoral tuan ne’ebe maka sira kaer seidauk troka. Nia konsidera problema ne’e hanesan failansu mekanismu husi STAE nian.

“Devide ke sira nia kartaun eleitoral ne’ebe kuak tiha ona maibe seidauk troka tamba ne’e hau fiar katak iha populasaun barak kuaze porsentu 30 sei la fo sira nia votus ba lideransa suku ne’ebe akontese iha hirak mai tan,’ informa nia ba jurnalista horisehik.

Tan ne’e maka nia husu governo atu hare mekanismu ne’e atu sai hanesan referensia hodi bolu atensaun ba diresaun STAE atu hadia mekanismu foun hodi prepara ba Eleisaun Kamara Municipio ne’ebe sei akontese iha tinan oin mai.

Nia dehan populasaun barak la troka sira nia kartaun eleitoral tamba durante ne’e STAE konsentra deit iha kapital Dili hodi la ba tuun iha base.(aga)***

PNTL Sei Aloka Elementus 1986 ba Sentru Votasaun

2009-10-07T00:39:00.000-07:00

Suara Timor Leste / Kuarta, 07 Outobru 2009

Dili, Realiza Eleisaun Lideransa Komunitaria ba loron 9 Outobru 2009 iha distritu 13, Polisia Nasional Timor Leste (PNTL), destaka elementus hamutuk nain 1986 efetivu inklui UNPOL hamutuk 265 hodi apoio seguransa ba eleisaun.

Komandante PNTL, Komisarius Longuinhos Monteiru hateten katak PNTL prontu asegura seguransa ba iha eleisaun komunitaria bainhira iha ema ruma hakarak hanoin a’at ba iha fiesta demokrasia, polisia sei la tolera.

Tuir nia, too oras ne’e dadauk situasaun kontroladu maibe iha fatin balun maka sai prekupasaun uitoan. Mesmu nune’e PNTL sei la hakiduk ba prekupasaun tamba fatin sira ne’ebe sai prekupasaun to’o oras ne’e polisia aloka tiha ona hodi garantia seguransa.***

Kampanha Lider Komunitaria Ermera Uza Atributu Partidu

2009-10-07T00:37:00.001-07:00

Suara Timor Lorosae / Kuarta 07 Outobru 2009

Dili, Komandante Jeral Polisia Nasional Timor Leste (PNTL), Komisariu Longuinhos Monteiro informa katak, Segunda (05/10) lider komunitaria husi Suku Goulolo (distritu Ermera) halao kampanha usa attributu partidu nian.

“Ami husu ba lider komunitaria karik kampanha la bele uza atributu partidu nian, dezisaun sira la halo tuir maka komando sei foti dezisaun ho forsa atu relata mai iha STAE tamba hahalok ne’ebe sira halo kontra lei STAE no CNE,” hateten Longuinhos Tersa horisehik.

Nia hatutan informasaun husi polisia Distritu Ermera ne’ebe agora tama iha komando hatudu katak kandidatu rua halao kampanha iha Goulolo uza atributu partidu nian. Medidas ne’ebe PNTL foti maka halao profimasaun pasifika atu husu ba kandidatu sira ne’e voluntariamente atu retira atributu nian durante sira nia kampanha.

Tuir koordenador CNE distritu Ermera, Lucia Lemos Salsinha liu husi telefone hateten katak atividade kampanha ba kandidatu rua ne’e sira laos uza atributu partidu maibe sira halao kampanha tamba besik bandeira Partidu Fretelin husi fatin kampanha.

“Ida ne’e ami identifika tiha ona katak kandidatu rua segunda liuba halao duni kampanha iha area ne’e laos uza atributu partidu maibe atributu ne’ebe iha kleur tiha ona iha fatin ne’ebe refere,” hateten Lucia.

Iha parte ne’e mos STL halao konfirmasaun ba iha Polisia Distritu Ermera , Adjunto PNTL, Jasinto Asuncao hateten mos katak informasaun ne’ebe halao husi kandidatu nain rua iha area Goulolo, Distritu Ermera uza duni atributu partidu maibe ida ne’e sei tama hela prosesu investigasaun. (Car)***

Kandidatus Xefe Suku Gildapil Promete Fo Atensaun ba Idojos

2009-10-07T00:31:00.000-07:00

Timor Post/ Kuarta, 07 Outobru 2009

Maliana, maski governo Aliansa Maioria Parlamentar (AMP) halao dadauk ona programa ajudus ba idojos (ferik-katuas) maibe iha parte seluk kandidatu xefe suku mos promete dadauk hela atu fo atensaun ba idojos sira bainhira hetan eleitu ba xefe suku.

Kandidatu nain tolu (3) ba xefe suku Gildapil, Sub-distritu Maliana, Distritu Bobonaro halo promesa ba komunidade iha suku bainhira halao kampanha. Kandidatu xefe suku Gildapil, Alfonso Pereira promesa katak bainhira nia eleitu sei implementa programa IV Governo Konstitusional no halao dezenvolvimentu inklui fo atensaun ba idojos (ferik-katuas) iha suku refere ne’ebe too agora seidauk simu osan karik.

Liu husi kampanha iha eskola Primaria nia oin iha Aldeia Atos, Suku Gildapil (01/09), kandidatu Afonso ho antusiasmu esplika ba populasaun sira katak bainhira nia eleitu buat ne’ebe maka nia hakarak atu hala’o maka hanesan hamoris programa ba atividade iha suku nomos hatutan planu husi programa governu nian ba iha suku no aldeia hotu.

Iha kampanha ne’e, Afonso mos promete ba joventude sira katak karik nia eleitu nia sei husu apoio equipamentus desportu no arte muzika ba governo especialmente Sekretariadu Estadu Desportu hodi bele fasilita atividade desportu no arte muzika ba juventude sira iha aldeia no suku Gildapil.

Afonso mos hateten, iha nia kampanha katak bainhira eleitu nia mos sei fo apoio ba atividade SISCA ne’ebe halao husi Ministeriu Saude nomos sei toma atensaun maka’as ba problema idojos ka ferik-katuas ne’ebe maka too agora seidauk hetan sira nia direitu hodi simu osan idojos ne’ebe governo fo.

Kandidatu Afonso mos promete katak karik nia eleitu nia sei la ses husi nia promesa no sei hamutuk ho komunidade no nia ekipa hotu hodi halao dezenvolvimentu iha aldeia no suku Gildapil liu husi kontribuisaun povo iha aldeia no suku Gildapil.

Entretantu kandidatu xefe juventude, Petros Bere iha kampanha ne’e haktuir katak karik nia eleitu hanesan xefe juventude nia mos sei apoiu xefe suku ne’ebe eleitu hodi hamoris atividade juventude ne’ebe maka durente ne’e la lao iha aldeia no suku Gildapil.

Petros mos haktuir katak karik nia eleitus hanesan xefe juventude nia sei koopera ho xefe suku no juventude sira hotu hodi halao atividade joventude nian iha aldeia no suku Gildapil inklui husu apoio ekipamentus despotus no arte muzika ba governo especialmente ba Sekretariadu Estadu Despotu para bele fasilita atividade desportu no arte muzika ne’ebe sira halao iha aldeia no suku Gildapil.

Iha parte seluk kandidatu xefe suku, Americo Pereira bainhira halao kampanha monolok iha suku Gildapil (02/10) haktuir katak bainhira nia eleitu nis sei hakbesik a’an povu hodi haree difikuldade no problema ne’ebe povu sira enfrenta hodi bele buka solusaun ne’ebe diak.

Kandidatu ne’e mos hateten katak programa importansia ne’ebe maka nia sei halao karik eleitu maka premeiru hametin unidade entre joventude no komunidade sira iha suku no aldeia sira. Segundu, hamoris atividade juventude iha suku no aldeia. Terseiro maka haree problema idojos sira nian ne’ebe too agora seidauk simu subsidiu husi governo.

Nune’e mos iha parte seluk bainhira halao kampanha monolok iha Eskola Primaria nia oin, aldeia Atos, Suku Gildapil, Kandidatus Aleixo da Costa (01/09) iha ninia kampanha promete katak karik nia eleitu nia sei tau matan ba problema idojos no alezadus ne’ebe too agora seidauk hetan subsidiu husi governo.

Aleinde ne’e nis mos sei hamoris atividade joventude iha suku no aldeia liu husi atividade desportu, arte kultural no arte muzika hodi hametin unidade entre joven iha aldeia no suku Gildapil.

Tuir observasaun diario ne’e, durante kampanha kandidatus sira hotu halao kampanha ho diak no lai iha konflitu, durante kandidatus sira halao kampanha hetan partisipasaun ne’ebe diak husi komunidade tomak iha suku ne’ebe refere. (Mjdistritu1)***

Feto Koalia; Tinan 2009 Ami Feto Mak Sei Lidera Komunidade, Mane Sei Lakon

2009-10-05T21:41:00.001-07:00

www.cjitl.org/CJITL flash/ 5 October,
Eleisaun falta tan loron 3 maibe esperansa bo’ot husi feto Timor Leste atu manan maioria iha eleisaun komunitaria hatudu dadaun husi kampanya sira ne’ebe halo durante loron 5 nia laran. Esperansa no komitmentu hakarak dudu ses mane ba kotuk ne’e feto sira hato’o ba publiku liu husi CJITL online, Segunda semana ne’e.

Senadu Universidade Dili – UNDIL, Cesaltina Soares hateten fo korazen boot ba feto maluk sira nebe mak kadidata an iha elesaun do suku ka konselho suku suksesu boot ba sira katak programa nebe mak sira hato ihga kampanha mak inportante tebes,

“Hau senpre fo apoiu ba hau nia feto maluk sira, tanba hau mos hakarak oferese hau nia vida liu husi votu iha loron 9 Outobru, hau mos hakarak fo hatene ba hau nia feto maluk sira fo suporta nafatin ba feto katak feto forti nasaun forti” dehan Cesaltina ba CJITL online segunda iha kanpus UNDIL maskarinhas Dili.

Feto sira tenke fo nia apoiu tomak ba feto maluk sira katak laos mane deit mak bele lidera iha suku laran maibe hatudu katak feto mos bele lidera iha suku laran.

Iha sorin seluk estudante UNTL fakuldade Fisipol, Monica Lopes hateten partisipasaun feto nian ita hare liu ba jeneru katak feto mos iha direitu hanesan ho mane.

“Hau sente feto mos bele hatudu nia kapasidade atu nune’e bele dezenvolve suku laran, tanba wainhira atu dezenvolve nasaun ida tenke dezenvolve uluk suku laran” hateten Monika.

Nune’e mos Marta de jesus nudar komunidade suku Comoro hateten iha eleisaun ami feto sira tenke fo ami nia suporta maka’as ba feto atu sai lider komunitaria hatudu ba mundu tomak katak Feto Timor mos bele.

“Hau sente feto barak mak sei manan iha eleisaun xefi do suku tanba feto sira mos iha kapasidade hanesan ho mane sira”afirma Sinta Soares komunidade Suku Becora.

Veronica Henrigues estudante sekundaria 4 de Setembru UNAMET hateten Feto mos bele kandidata an ba xefi do suku ne’e atu nune’e bele dezenvolve suku nia laran (Domingos da Silva/cjitl)

JEFA; "Mane Sira Ukun Suku Motael, Laiha Liu Mudansa"

2009-10-05T21:28:00.000-07:00

www. cjitl.org/CJITL flash/5 October,
Kandidata Xefi Suku, Suku Motael ba eleisaun lideransa komonitaria ne’ebe mak atu halao iha loron 9 Setembru, Jefa Kaibete hateten katak, oras to’o ona feto atu hatudu nia matenek no sai lider ba nasaun nurak ida ne’e.

Jefa kasu lia hirak ne’e ba jornalista sira iha ninia kampanha ne’ebe mak halao iha jardim Balai Prajurit, Palapasu, Dili, (04/10).

“Hau kandidata an ba Xefi suku ne’e laos atu sai bo’ot maibe, hau kandidata ana ne’e atu servi povu liu liu hau nia povu iha suku Motael nia laran no se karik hau mak manan iha eleisaun komunitaria nia laran ne’e hau sei hare liu liu ba povu sira ne’ebe mak laiha kbit,” tenik Jefa Kaibete.

Nia mos hatutan tan katak, nia prontu atu servi povu se manan iha eleisaun nia laran ne’e no nia prontu ona atu halo kompetisaun ho mane maluk sira tamba tuir nia katak realidade durante mane maluk sira nia ukun Suku Motael ne’e laiha mudansa.

“Hau Jefa Kaibete iha planu no programa rasik atu halo se karik imi fo fiar, konfiansa, no eleitu mai hau. Hau laos atu hein deit planu hosi governu no hau prontu atu halo mudansa ba Suku Motael ne’ebe iha aldea lima ne’e ba oin. Hau prontu ona atu lidera hanesan maluk mane sira"

Semak dehan feto labele no laiha kapasidade ne lalos feto mos ika kapasidade hanesan maluk mane sira ne’e duni keta hili sala tan mai hamutuk ho hau ita sei halo mudansa ba iha ita nia suku laran. Hau hamrik iha ne’e atu sai atan ba imi,” tenik inan ne’ebe ho oan nain 8 ne’e.

Iha fatin hanesan populasaun mane ida husi suku motael, Lucidio Visente ne’ebe mos nudar apoitantes Jefa kaibete nian hateten katak, ita tenke fo tempu mos ba feto maluk sira ne’ebe mak iha kapasidade no iha intrese ne’ebe bot atu ukun no ita tenke fo fiar mos ba sira.

“Hau sente laos mane deit mak bele ukun feto mos bele tamba feto mos iha kapasidade ne’ebe diak no iha intrese duni ba nasaun ida ne’e" hateten Lucidio

Ne'e duni hau fo apoiu 100% ba Sra. Jefa tamba nia ema no feto ida ne’ebe iha intrese no iha kapasidade ne’ebe mak diak. No hau fiar katak nia sei halo mudansa ba iha suku Motael nia laran ne’e,” Lucidio konfirma. (Tomas Sanches/cjitl)

Sebuah Catatan Hari Terakhir Kampanha Lideransa Komunitaria 2009

2009-10-05T18:03:00.000-07:00

Hari ini (6/10) adalah hari terakhir kampanha untuk Pemilu Lideransa Komunitaria 2009 sebelum memasuki masa tenang selama 48 jam menjelang hari-H pencoblosan. Sebagai kesempatan terakhir, sudah selayaknya setiap kandidat yang masuk dalam daftar tetap yang akan dipilih menggunakan hari ini untuk lebih aktif menjabarkan program-programnya kepada masyarakat level suku.

Memang jika kita bandingkan dengan pemilu legislative dan pemilu presidensial di tahun 2007 maka kampanha untuk pemilu kali ini sangat jauh berbeda. Kesemarakan layaknya sebuah prosesu penjabaran program-program para kandidat tidak terlalu terlihat, yang ada hanya poster-poster dan spanduk-spanduk yang isinya mengingatkan masyarakat untuk memilih pada hari-H kampanha tanggal 9 Oktober 2009. Disudut sudut kota Dili, terbentang spanduk dan poster “VOTA” yang banyak menggunakan perempuan sebagai icon public. Disudut sudut lainnya juga tampak ajakan memilih kandidat perempuan yang masuk dalam daftar tetap dan banyak lainnya. Tidak terlalu terlihat atau terdengar kampanha terbuka yang dilakukan para kandidat sebagai ajang pengenalan program-program kepada masyarakat.

Permasalahan keuangan agaknya menjadi masalah utama yang membuat kandidat berpikir dua kali untuk menguras kantong mereka masing masing demi untuk memperebutkan posisi Xefe Suku yang pendapatanya tidak terlalu besar. Begitupun dengan subsidi pemerintah yang diserahkan kepada 1208 pakote kandidat pada saat mereka melakukan janji kampanha damai ternyata banyak dikeluhkan dan lagi lagi mereka katakan subsidi ini tidak cukup. Memang jika dilihat besarnya yang hanya terhitung 125 dollar maka tidaklah terlalu cukup untuk mengadakan kampanha besar jika tidak ada pihak lain sebagai penyokong dana. Sebagai contoh, untuk mencetak poster saja, setiap kandidat harus mengeluarkan 3 – 5 dollar, cetak kaos bisa mencapai 5-7 dollar, sewa banda muzika dan sound system 100-300 dollar dan strategi kampanha yang ujung ujungnya akan menguras anggaran yang ada. Dengan uang 125 dollar ini, setiap kandidat harus memeras keringat untuk dapat memikirkan cara yang baik guna mengkampanhakan program-programnya.

Memang kurang lebih 6 hari masa kampanha yang telah berlalu, tidak terlalu banyak kandidat yang mengunakan strategi kampanye dengan cara pengerahan massa, atau menggunakan material kampanye lainnya. Hasil pemantauan lapangan di distritu Dili, kampanha door to door dan kampanha dengan penempelan photo kandidat di jalan-jalan menjadi salah satu jalan keluar untuk bisa mengajak masyarakat memilih kandidat yang ada dalam sukunya masing masing. Namun ini juga hanya terlihat disekitar Santa Cruz hingga Kuluhun dan jelas terlihat para kandidat mencoba memperkenalkan pencalonannya dengan menggunakan kertas A4 yang berisikan photo dan nama kandidat yang diprint-out dengan printer. Sederhana namun hal ini menjawab satu pertanyaan, kenalkan masyarakat suku dengan calon yang akan dipilihnya? Walaupun hanya dengan mengunakan print out media, masyarakat bisa mengenal siapa calon-calonya dan bagaimana program-programnya.

Kampanye sebagai masa penjabaran program program para kandidat untuk bisa menjawab permasalah di level suku ternyata banyak tidak dapat diguinakan dengan semaksimal mungkin untuk dapat mendekati masyarakat. Kadangkala ketika satu kandidat ingin mengadakan dialogo dengan masyarakat ternyata masyarakat tidak terlalu antusias untuk datang dan mendengarkan karena dirasa sebagai sesuatu yang tidak penting. Namun ada juga kandidata yang berhasil menghimpun masyarakat pendukungnya, berdiskusi dengan mereka dan mencoba merangkul masyarakat dengan program program yang bisa menjawab permasalah yang ada dalam suku. Kepintaran kandidat dalam mencari strategi kampanha yang baik dengan melihat anggaran yang ada.

Masyarakat sendiri juga harus lebih pro aktif dalam mencari informasi para kandidat yang akan dipilih pada tanggal 9 Oktober nanti dengan bertanya kepada lideransa aktual seperti xefe aldeia atau xefe suku. Akan lebih efektif lagi jika masyarakat pemilih bisa datang ke kantor kantor desa karena disanalah terdapat photo dan nama dari kandidat beserta orang-orang yang masuk dalam paket pemilihan (pakote). Tindakan pro aktif dari masyarakat pemilih diperlukan karena sulit dmidapatkannya informasi mengenai para kandidat. Memang pada hari-H pemilu, disetiap pusat pemilihan suara (Sentru Votasaun) akan ditempelkan daftar para kandidat dan orang orang yang masuk dalam paket pemilihannya (pakote) namun lebih baik jauh-jauh hari para pemilih bisa menentukan calon-calon berdasarkan hati nurani.

Hal penting lainnya, para pemilih harus mengetahui suku pemilihannya berdasarkan kartu eleitoral yang dimiliki (eleitor tenke ba vota iha suku ne’ebe ita regista ba). Bawalah kartu eleitoral ini untuk dapat memilih ditempat tempat yang telah ditentukan mulai jam 7 pagi hingga jam 3 sore. Di pusat pemilihan, setiap pemilih hanya akan mendapatkan 1 surat suara yang berisi photo dan nama kandidat xefe suku. Dalam proses ini, setiap pemilih harus mengenal wajah/photo dan nama kepala dari paket pemilihan yang ada (lideransa husi pakote) sebelum melakukan pencoblosan (tau marka). Jangan lupa, pemilih hanya diperbolehkan mencoblos satu kali pada kotak disamping nama kandidat pada surat suara. Saat mencoblos, yakinlah dengan kandidat yang dipilih karena ini akan menentukan masa depan pembangunan suku masing-masing. Setiap warga negara Timor Leste yang telah memenuhi syarat berdasarkan undang-undang pemilihan berhak menentukan pilihannya pada tanggal 9 Oktober 2009.

Satu hal yang harus diingat pada saat pencoblosan adalah pilihlah kandidat yang bisa membawa perubahan dan kemajuan di suku dimana kita berada. Perubahan ini meliputi area penciptaan kondisi kehidupan masyarakat yang damai dan harmonis, pencatatan setiap penduduk, pendidikan politik, pembangunan ekonomi level suku, jaringan pengaman bahan makanan masyarakat, perlindungan lingkungan hidup, budaya, olahraga dan perawatan terhadap saran infrastruktura yang ada dalam lingkungan suku. Terlebih dari hal tersebut, kepemimpinan suku harus diberikan kepada kandidat yang mampu membawa suku ke kehidupan yang lebih baik dan lebih sensitive terhadap permasalahan masyarakat. Kandidat laki-laki atau perempuan memiliki kesempatan yang sama untuk dipilih sebagai Lideransa Komunitaria 2009.

Dan jangan pernah lupa dengan kita memilih kandidat perempuan, kita telah melakukan investasi yang menguntungkan untuk masa depan kita. Investe ba Feto Investe Diak ba Futuru, Vota ba Feto – Vota ba Dame.(Fransiskus XS/ICP)***

Mai Hamutuk Ho Ami, Vota Ba Kandidata Feto

2009-10-05T01:26:00.000-07:00

Marcelina Punef, feto ida husi suku Abani, distritu Oecusse hanesan ezemplu diak ida ba feto maluk sira seluk liu-liu ba feto maluk potensial sira. Maski Marcelina rasik ho idade 63, nia la tauk atu bele kandidata no kompete ho mane sira iha Eleisaun Lideransa Komunitaria 2009. Depois passa husi apresentasaun kandidatura iha fulan kotuk, Marcelina tama hanesan kandidata ba posisaun xefe suku. Iha loron 9 Fulan-Outobru, nia tenke kompete ho kandidata sira seluk ho tatal hamutuk pakote 7.

Suku Abani hanesan suku ida husi Sub Distritu Pasabe ne’ebe isoladu liu, maizumenus 44 kilomentrus husi kapital distritu enclave Oecusse. Maski dook, suku Abani ho total aldeia 3 hanesan Pasabe, Naetuna no Haemnanu prontu tuir Eleisaun Lideransa Komunitarian ho total eleitor rihun tolu atus ualu resin hitu.

Suku Abani hanesan ezemplu diak ba partisipasaun komunidade iha atu uza sira nia direitu iha politika. Total pakote 8 ne’ebe atu kompete iha eleisaun loron 9 fulan Outobru sai hanesan prova konkritu husi prosesu demokrasia ne’ebe lao dadaun ona iha suku refere. Husi total pakote 8, feto nain 2 hanesan lideransa pakote ne’ebe atu kompete ba posisaun xefe suku nian. Husi ne’e hatudu mai ita, partisipasaun komunidade liu-liu feto sira mos maka’s atu bele partisipa iha dezenvolvimentu suku nian. Maski feto infrenta problema barak sira lideransa feto nain 2 la tauk hakat ba oin kompete ho pakote mane sira atu bele sai lidera komunitaria.

Marcelina Punef hanesan kandidata feto ida husi suku Abani mos prepara sira nia planu atu bele dezenvolvimentu suku nian. Periodu kampanha ne’ebe hahu husi loron 30 Fulan Setembru too loron 6 Fulan-Outubru hanesan opurtunidade ba nia atu bele fahe informasaun kona-ba ninia programa ba komunidade iha suku Abani.

Hatutan ba nia hanoin ho thema kampanha Centro Feto Enclave Oecusse nian ba Vota ba Feto, Vota ba Pas. Marcelina hateten katak nia hare asuntu Ppas ba komunidade laos uniku iha feto nia liman deit, maibe nia fiar katak liu husi lideransa ne’ebe feto sira iha hanesan inan no nudar feto ba komunidade, jeitu hamenus konflitu no resolve problema ho dame se sai hanesan dalan ba nia atu sai lideransa ne’ebe transforma komunidade.

”Mai hamutuk ho ami, vota ba kandidata Feto”, hakilar Marcelina hodi taka nia kampanha iha Aldeia Pasabe loron Sabadu 3 Outubru 2009.

Husi indikasaun dadus basea ba resultadu hatama pakote iha Eleisaun Lideransa Komunitaria 2009, pakote 8 iha suku Abani sai hanesan pakote ne’ebe ho montante boot liu kompara ho suku seluk iha Timor Leste. Pakote kandidatu husi suku Abani hanesan mos pakote uniku tamba kompostu husi feto rua sai lideransa pakote.

Centro Feto Enclave Oecusse rasik sei kontinua halao monitoring lalok kampanha durante loron 7 husi data 30 de Septembru ate data 6 de Outubru hodi fo kbiit ba feto sira liu husi sira nia kampanha.

Ba informasaun klaru liu tan bele kontaktu ba centrofeto_enclaveoecusse@yahoo.com

Ami Aplika Rezim Solteu Atu Kandidatu Ida-Idak Bele Kombina ba Malu Liu husi Solteu

2009-10-05T01:23:00.000-07:00

Kampanha eleitoral ba Eleisaun Lideransa Komunitaria ofiacialmente hahu hala o iha distritu 13 iha teritorio antes tama ba loron eleisaun

Komisario Nasional CNE, Padre, Martinho Gusmao informa kestaun ne’a ba TVTL relasiona ho atividade kampanha xefe de suku ne’ebe hahu halao iha distritu 13, Atividades kampanha ne’e sei hahu husi loron 30 fulan Setembru too loron 6 fulan Outobru tamba ne’e ba suku ida ne’ebe apresenta lista pakote nain rua CNE sei aplika rezime solteiu atu nune’e bele evita atividade kampanha ne’ebe lao iha oras hanesan.

“ Iha suku ne’ebe kandidatu ida deit la iha problema maibe iha suku ne’ebe kandidatu rua ba leten sei iha kazu sira orario kampanha ne’e bele hanesan no soke malu entaun ami aplika rezim solteu atu kandidatu ida-idak bele kombina ba malu liu husi solteu”

Hatan ba deskonesimentu komunidade nian iha loron importante ne’e padre Martinho Gusmao hateten ida ne’e laos failansu CNE nian nomos laos STAE nian maibe ida ne’e frakeza desde inisiu prepara lei no regulamentu ne’ebe lao ladun diak

“Bainhira komunidade la hatene ne’e, hau hanoin frakeza husi oinsa mak ita prepara lei oinsa mak ita prepara ninian regulamentu no edukasuan civika ne’ebe ke ladun konstante, hau hanoin ne’e prosesu ne’ebe ke husi inisu kedas lalaok diak

Total pakote ne’ebe sei kompete iha Eleisaun Lideransa Komunitarian husi distritu 13 suku 442 hamutuk pakote 1207. Husi numeru hirak ne’e total pakote 64 maka apresenta nudar kandidatura uniku no feto hamutuk 42 pakote.

Observasaun husi jurnalista TVTL kuarta feira ne’e, atividade ne’ebe kampanha halao iha kapital Dili ho typo husi uma ba uma. Alicia Benigna/Paulino da Costa TVTL

CNE ASINA KOMPRIMISU HO KLK

2009-09-30T19:39:00.001-07:00

Timor Post / 1 Outoubru 2009

Atu hametin paz no unidade iha Eleisaun Lideransa Komunitaria, Komisariu CNE halao asina kumprimisu ba kandidatura lideransa komunitaria (KLK) iha salaun Canosiana Becora-Dili foin lalis ne’e.

Hafoin asina kumprimisu hamutuk ho lideransa komunitaria sira, Presidente CNE Faustino Cardoso Gomes ba jurnalista sira informa katak termus komprimisu ne’e nia objetivu atu regula lideransa komunitaria sira iha tempo kampanha atu nune’e sira la bele hakat liu regra ne’ebe hakerek ona iha kodigu konduta ne’ebe desidi ona iha komprimisu ne’ebe sira asina hamutuk.

Faustino hateten katak kandidatu lideransa komunitaria sira wainhira halao kampanha le bele hakat liu baliza suku seluk nian no la bele halao kampanha iha oras ne’ebe hanesan tamba bele kria instabilidade iha tempu kampanha. Xefe suku aktual sira ne’ebe kandidata an fila fali la bele usa fasilidade estadu nian hanesan motor hodi halao kampanha tamba ne’e bele kria instabilidade iha tempu kampanha.

Faustino mos hatutan katak karik iha evidensia ruma hatudu katak pakote rua maka halao kampanha iha oras hanesan entaun tenki fo hatene ba CNE atu nune’e bele bolu hodi fo hanoin ba sira ho konsensia katak se maka atu halao uluk kampanha.

Faustino mos esplika katak iha kampanha ne’e buat ne’ebe maka prinsipalmente kandidatu lideransa komunitaria sira atu hatoo ba publiku maka kona-ba sira nia programa.

Iha fatin hanesan Afonso da Cruz, xefe suku aktual Bemori hateten katak komprimisu ne’ebe sira asina hanesan ne’e hanesan programa governo nian tamba ne’e sira se fo fila fali ba governo liu husi konkordansia ne’ebe sira halao hamutuk

Bainhira husu kona-ba poin balu husi komprimisu ne’ebe bandu sira la bele usa fasilidade estadu nian hanesan motor hodi halao kampanha, Afonso hateten, ne’e loos no labele hamosu konfusaun ba komunidade sira iha tempu kampanha.***

PROFILE KANDIDATA FETO :

2009-09-29T18:23:00.000-07:00

Cristalina Quintao, Kanditata husi Suku Railako Leten- Letefoho, Distritu Ermera

Baseia data husi STAE, lista pakote hamutuk 1208 pakote hanesan lista ne’ebe atu kompete iha Eleisaun Lideransa Komunitarian 9 Outobru oin mai. Husi total ida ne’e, feto hamutuk 42 sei kompete ho pakote mane sira atu bele manan sai xefe suku. Cristalina Quintao hanesan xefe suku aktual husi suku Railako Leten, Letefoho distritu Ermera mos la tauk atu kandidata an fali iha eleisaun tinan ida ne’e.

Bainhira hasoru malu durante treinamentu husi Projeitu UNDEF nian iha distritu Ermera nia hateten katak nia prepara ona programa 6 ne’ebe sai konsentrasaun ba nia serbisu bainhira komunidadae suku Railako Leten fo fiar ba nia sai fali xefe suku iha ne’ba. Iha eleisaun xefe suku 2005, Cristalina hetan fiar husi komunidade suku Railako Leten atu bele lidera suku refere. Durante tinan haat, nia serbisu makas atu bele servi ba povo, tau matan ba nesesidade povo nian nomos resolve problema ne’ebe iha suku no aldeia refere.

Ba kampanha eleisaun Lideransa Komunitaria tinan ida ne’e, Cristalina hatutan katak nia sei kontinua ho ninia programa uluk nia halao ona hanesan rehabilitasaun sede suku nian, programa bolsa da mae, loke eskola pre-sekundaria iha nivel suku nomos programa seluk.

Nia mos esplika kona-ba ninia programa ba futuru ne’ebe fo konsentrasaun ba area saude, kontinua bolsu de mae, bee mos no saneamentu ba aldeia ne’ebe seidauk hetan bee mos, hadia estrada, kontinua rehabilitasaun sede suku nian iha parte sentina no bee mos. Programa hirak ne’e sai konsentrasaun isu bainhira nia halao kampanha iha nivel suku no aldeia.***

Vota ba Feto - Vota ba Dame

MAI ITA HAMUTUK HILI KANDIDATU FETO

2009-09-27T21:30:00.000-07:00

VOTA BA FETO VOTA BA PAZ

2009-09-27T21:24:00.000-07:00

TRANSPORTE DIFIKULTA SERBISU STAE AILEU

2009-09-27T21:21:00.000-07:00

Suara Timor Lorosae, 28 Setembru 2009

Aileu – Assisten Administrasaun STAE Distritu Aileu, Victor Mendoza hateten durante ne’e transporte difikulta tebes ba sira nia serbisu iha area 135 aldeias iha Distritu Aileu tomak.

Oras ne’e dadaun sira iha deit kareta ida no motor rua. Ne’e la sufisiente ba sira hodi halao serbisu perkore ba iha Distritu Aileu tomak”, hateten Victoria Mendoca ba STL iha nia knar fatin foin lalais ne’e. Tamba kondisaun ne’e, nia propoin ba STAE Nasional para bele atende prekupasaun refere atu nune’e bele fasilita sira hodi prosesa lalais eleisaun suku.

“Ami propoin ba STAE Nasional atu fo resposta lalais ba perkupasaun ne’ebe agora dadaun ami infrenta tamba distansia fatin iha aldeia 135 dook ba malu. Kondisaun estrada mos la kondis ba transporte,” hateten Victor.

Iha fatin la hanesan, Administrador Distritu Aileu Martinho Siquera Matus rekonese duni katak maioria kondisaun estradas iha distritu refere agora la kondis tebes ba transporte. I nia rasik simu ona informasaun husi Administrador sub-distritu 4 katak too oras ne’e sira seidauk simu resposta husi Sekretariu Estadu Obras Publiku para atu hadia kondisaun estrada iha area ida-idak.

Ba problema refere, Matus promesa sei buka dalan para koordena ho Administrador Sub Distritu para oinsa bele kria serbisu voluntaria husi komunidade hodi hadia estrada ne’ebe kuak iha ida-idak area atu nune’e bele fo asesu ba eleisaun lideransa komunitaria iha fulan Outobru mai ne’e.

Komunidade Aileu, Joao Ximenes hateten nia parte sei la ba halao serbisu voluntaria hodi taka estrada kuak tamba governo iha orsamentu barak maibe agora governo seidauk book-a’an. Governu sei tuur deit iha fatin hodi garganta deit.

Entretantu total pakote Xefe Suku iha suku 31 kompostu husi Sub-Distritu 4 iha Distritu Aileu hamutuk 91 inklui kandidata feto ida husi suku Fahisoi, Sub Distritu Lequidoe no total Centru Votasaun iha Sub-Distritu 4 hamutuk 36, Estasaun Votu 42 no total eleitores hamutuk 22.868.

PNTL HATUN MEMBRU UNIDADE ESPESIAL 30 ATUA SITUASAUN UATOLARI

2009-09-27T21:20:00.000-07:00

STL/Sabadu 26 Setembru 2009

Dili- Polisia Nasional Timor Leste (PNTL) iha loron 1 Outobru mai ne’e sei hatun membrus husi Unidade Espesial hamutuk 30 ba Sub-Distritu Uatolari Distritu Viqueque hodi atua situasaun krime iha fatin ne’eba.

Liafuan ne’e Komandante Jeral Polisia Nasional Timor Leste, Longuinhos Monteiro hateten ba STL hafoin treinamentu multinasional ne’ebe halao iha sentru treinamentu PNTL – Tositolu, Sesta (25/9).

Tuir Longuinhos katak problema ne’e mosu tamba iha asidente ne’ebe ema ne’e diskuida entre ema sira ne’ebe maka gosta kria problema maibe polisia la nonok no polisia mos halo dadaun atuasaun hodi intervein situasaun iha Uatolari.

“Ho nune’e agora ami mos antisipa situasaun barak no iha loron 1 Outobru mai ne’e ami sei hatun personil ka membrus ba Uatolari hodi atende situasaun,” hateten Longuihos.

Longuihos mos haktuir katak atu antisipa situasaun ne’e, polisia liu husi Unidade Espesial ida hamutuk ho ninia membrus 0 sei hatun para hodi atende situasaun iha fatin ne’eba.

Hatun Personil 1.400

Iha parte seluk tuir Longuinhos katak ba eleisaun suku mai ne’ebe sei monu iha loron 9 fulan Outobru ne’e PNTL sei hatun ninia elementus hamutuk 1.400 ne’ebe inklui mos UNPOL. Tuir komandante Jeral ne’e mos katak husi elementus hamutuk 1.400 ne’ebe inklui mos UNPOL ne’e mai husi Polisia Nasional nian rasik hamutuk 970 elementus.

“Laos ne’e deit ami mos sei hatun elementus hamutuk 250 maka sei back up husi komando jeral no UNPOL maka sei halo seguransa iha eleisaun mai ne’e, “ hateten Longuinhos. ***

XEFE SUKU TUAN DATO KANDIDATA AAN TAN

2009-09-27T21:17:00.000-07:00

Timor Post / Segunda 28 Setembru 2009

Liquisa- Xefe suku Dato, Sub- Distritu Liquisa Vila, Distritu Liquisa hateten nia sei kandidata a’an nafatin ba Eleisaun Suku iha loron 9 Fulan-Outobru tinan ida ne’e.

“Iha eleisaun fulan oin mai hau sei kandidata aan nafatin e povo ne’ebe hili hau tamba hau konfiansa katak sira sei hili hau,” dehan xefe suku Oscar da Silva ba Jurnalista Timor Post iha nia sede suku Dato foin lalais ne’e.

Iha Fulan Outobru mai mandatu xefe suku remata, tuir nia katak durante iha nia mandatu buat hotu lao normal maibe nia mos rekonese buat barak sei falta tamba aloka orsamentu ba kada suku la iha.

Oscar sublinha katak kandidata nain rua maka sei kompete iha eleisaun fulan oin mai hodi hatudu demokrasia no dezenvolvimentu iha rai ne’e.

“Ida ne’e mak ita bolu demokrasia, sei hili seluk fali mos diak tamba demokrasia la bele uja sistema ditadura maibe defende povo maka sei hili,’ nia dehan.***

AGENDA PEREMPUAN, MEDIA PERS DAN PEMILU

2009-09-24T00:22:00.000-07:00

Kegiatan tersebut bertujuan untuk mendorong media pers mewujudkan peran institusionalnya menjadi pilar keempat (the fourth estate) dari demokrasi. Berkaitan dengan tujuan tersebut media pers diharapkan dapat membantu masyarakat dalam melakukan pilihan politiknya, yaitu dengan cara pemberitaan yang memberikan informasi seluas-luasnya tentang apa, siapa, dan apa yang akan dilakukan oleh partai politik bagi masyarakatnya dalam memberitakan Pemilu Kepemimpinan Lokal 2009. Monitoring juga dilakukan untuk melihat sejauh mana media pers berlaku adil terhadap setiap kontestan pemilu.

Dalam pemilu, ada kecenderungan pemberitaan pers akan dijadikan sebagai arena ‘horse-race reporting’, yaitu pemberitaan yang bernuansa pacuan kuda. Menurut David S Broder, wartawan politik senior Washington Post, dalam horse race journalism, seluruh cerita jurnalisme didominasi dan ditekankan pada unsur siapa menang – siapa kalah, dan mengabaikan substansi (pemilu) yang terjadi (process stories predominate, and the emphasis is on who is gaining or losing, not on what is being done). Model liputan pemilu di AS pada dekade 1970-an, menurut David Broder tidak lagi mempedulikan soal program, tapi lebih mengutamakan mencari kisah strategi, taktik dan trik-trik kandidat untuk memenangkan pemilu.

Kecenderungan diatas akan mengakibatkan isu lainnya yang juga sama pentingnya akan terabaikan seperti partisipasi politik perempuan, isu lingkungan hidup, good governance dan politisi busuk. Isu-isu ini terabaikan dan tidak menjadi agenda media pers karena media pers ternyata lebih memerankan diri sebagai “penyalur suara parpol”.

Dalam meliput setiap peristiwa politik, terlebih seperti Pemilu Kepemimpinan Lokal 2009, media pers sebenarnya dituntut untuk menjalankan empat (4) peran utama. Pertama, mensosialisasikan sistem pemilu yang baru, kedua melakukan pendidikan politik ke khalayak, ketiga memantau proses pemilu dan keempat melakukan advokasi untuk kelompok-kelompok marjinal (kelompok yang tersingkirkan). Peran pertama sering juga disebut votter information. Di sini media pers berperan menyediakan informasi berkaitan dengan regulasi yang mengatur penyelenggaraan pemilu. Regulasi itu semisal menyangkut hak-hak warga sebagai pemilih (bagaimana sistem regristasi pendaftaran pemilih), regulasi kampanye (apa saja bentuk kampanye pemilu, sanksi bagi yang melanggar dsb), pemungutan suara, perhitungan suara dsb.

Peran pendidikan politik dapat dilakukan media pers dengan mendorong warga agar menjadi pemilih yang rasional, bukan pemilih tradisional yang gampang dipengaruhi dengan isu-isu primordial. Pers juga dapat mendorong warga untuk menjadi pemantau pada setiap tahapan pemilu. Mengulas track record kandidat dan kelompok yang mendukungnya, termasuk mengkritisi platform politik kandidat.

Peran pemantauan dilakukan media pers pada seluruh tahapan pemilu. Hal ini mengingat bahwa pemilu yang demokratis adalah pemilu yang minimal dari pelanggaran-pelanggaran. Baik pelanggaran adminsitrasi maupun pidana.

Sedangkan peran advokasi, terkait dengan asas penyelenggaraan pemilu yang mengusung prinsip inklusifitas. Dalam arti setiap warga negara yang telah memenuhi syarat sebagai pemilih, atas nama perbedaan apapun, berhak memperoleh perlakuan yang sama sebagai calon pemilih. Oleh karena itu walaupun orang tersebut tergolong masyarakat terasing, berstatus sosial yang tidak jelas, menganut ideologi politik yang berbeda dengan ideologi mainstream, bahkan memiliki kemampuan yang berbeda, tanpa kecuali harus diakui hak-haknya secara politik. Seperti kaum difable (different abilities) sering tidak dapat menggunakan hak pilih mereka karena minimnya bekal informasi tentang pemilu yang mereka terima, sampai minimnya akses mereka ke bilik suara pada hari pencoblosan. Selain kaum difabel, masih ada juga kelompok marjinal dalam masyarakat yang suaranya kerap tak dianggap dalam pemilu. Misalnya kaum usia lanjut, kaum buruh, dan kaum perempuan.

Mendorong Agenda Perempuan di Media Pers

Pemberitaan pers juga terkesan menjadi saluran kepentingan kandidat dan ini sekaligus meneguhkan bahwa pihak yang kuat (secara politik dan uang), memiliki resources untuk dapat menempatkan agendanya di media. Akibatnya kepentingan publik, apalagi yang tidak mempunyai resources seperti masyarakat marjinal, terabaikan dalam pemberitaan media pers.

Setali tiga uang dengan pemberitaan yang berhubungan dengan isu dan kepentingan perempuan. Kalaupun ada pemberitaan terhadap isu atau kepentingan perempuan, intensitasnya sangat rendah. Media pers tampaknya lebih banyak menerapkan kebijakan pemberitaan yang bersifat momentum. Artinya, berita tentang isu atau kepentingan perempuan hanya muncul jika ada peristiwa yang berhubungan dengan aktivitas perorangan/kelompok perempuan. Misalnya ketika kelompok perempuan mengadakan seminar atau melakukan aksi dalam rangka memperingati hari perempuan dunia belum lama ini. Hal ini sebenarnya tidak lepas dari pola pemberitaan media pers yang memiliki karakteristik lebih mengedepankan berita peristiwa yang lebih merupakan agenda setting pihak lain.

Persoalannya, apa strategi yang harus dilakukan kaum perempuan agar isu-isu atau kepentingan kaum perempuan menjadi agenda setting media dalam pemilu Kepemimpinan Lokal 2009?

Berikut ada beberapa strategi yang bisa dilakukan untuk membangun agenda setting kaum (isu) perempuan dalam media pers:

Kalangan aktivis perempuan harus memperbanyak momentum kegiatan agar lebih sering diekspose media pers. Strategi ini ditempuh mengingat pola pemberitaan media pers di Timor Leste lebih menitikberatkan pada berita peristiwa, daripada memunculkan agenda setting media itu sendiri.
Aktivis perempuan seyogyanya dapat membangun sinergi dengan jurnalis perempuan agar mereka lebih intensif mengangkat isu-isu yang berhubungan dengan kepentingan perempuan dan memperbanyak berita yang dikonstruksi dari suara-suara kaum perempuan akar rumput.
Media massa sering disebut-sebut berwajah maskulin, sebuah terminologi yang lekat dengan kaum lelaki. Dalam hal ini diyakini pandangan dan subjektivitas laki-laki akan dipergunakan untuk meneropong sesuatu, termasuk terhadap isu atau berbagai peristiwa yang muncul selama penyelenggaraan pemilu. Singkatnya segala sesuatu diukur dengan menggunakan takaran “laki-laki”. Menghadapi problematika seperti ini, ada baiknya jika aktivis perempuan memperkuat perspektif gender, khususnya di kalangan jurnalis pria, yang kebanyakan diberi tugas untuk melakukan liputan politik.
Aktivis perempuan seyogyanya juga aktif membuat siaran pers, konferensi pers atau menulis artikel opini untuk menyuarakan kepentingan mereka. Mereka juga harus aktif dan kreatif mengisi berbagai rubrik yang ada sebagai media menyuarakan kepentingan perempuan, misalnya menulis untuk rubrik surat pembaca, info publik dan sebagainya.

Sekali lagi, sebagai tiang ke-empat dari demokasi maka diperlukan ditumbuh kembangkan institusi pers yang bebas karena pers yang bebas merupakan oksigen demokrasi. Ini berarti antara pers dan demokrasi saling menghisupi dan tidak bisa saling dimatikan. Karena itu ketika pers sengaja mengabaikan suara kaum marjinal, seperti mengabaikan isu dan kepentingan perempuan, maka pers hakikatnya telah mencederai demokrasi.

*Rede Feto/ICP 092009- dirangkum dari berbagai sumber

STRATEGI PEMENANGAN KANDIDAT PEREMPUAN DALAM PEMILU

2009-09-24T00:15:00.000-07:00

Apakah perbedaan antara taktik dan sebuah strategi? Menurut jenderal Prusia yang terkenal, Carl von Clausewitz: “Taktik adalah seni menggunakan ’kekuatan bersenjata’ dalam pertempuran sedangkan srategi merupakan seni menggunakan pertempuran untuk memenangkan peperangan dan bertujuan mencapai perdamaian.“ Dalam strategi ini, tujuan-tujuan jangka pendek dicapai melalui taktik. Namun, tanpa strategi, taktik tidak ada gunanya. Demikian pun dalam pemilu, diperlukan strategis dan kecermatan (seperti persiapan dan perumusan konsep-konsep dan ide jangka panjang serta penerapan kebijakan dan kampanye pemilu) sebagai jalan untuk memenangkan pertarungan politik dan pembangunan berkelanjutan setiap lembaga demokratis.Di dalam pemilu, tujuan dari setiap strategi bukanlah kemenangan yang dangkal – tapi perdamaian yang mendasar. Dalam istilah politik, ’perdamaian’ ini berarti: penerangan terhadap program-program yang tepat dan reformasi. Jika tujuan jangka panjang – strategi - ini tidak tampak, misi bagi kemenangan akan tampak sebagai perjuangan bagi kekuasan dan kekayaan pribadi. Perdamaian inilah yang sebenarnya diimpikan masyarakat namun sebagaimana kita ketahui pemilu penuh dengan intrik politik dan kekerasan akibat dominnasi oleh kaum laki-laki.

Tidak bisa kita pungkiri, kemampuan perempuan secara politik memiliki banyak keterbatasan. Walaupun telah ada perempuan yang telah bergelut di Parlamen Nasional dan pemerintahan, namun dari segi kuantitas masih sangat sedikit yang memiliki keahlian sebagai politikus yang handal. Telah menjadi rahasia umum, banyak kandidat perempuan pada partai-partai politik kecil bukan lahir dari dorongan sendiri tapi didorong oleh pihak partai ataupun calon legislatif laki-laki untuk memenuhi quota 30%. Akhirnya banyak kandidat perempuan tidak melakukan strategi politik untuk meraup suara, tapi hanya pelengkap penderita saja.

Kondisi parah yang terjadi ini, diakibatkan karena kebanyakan partai tidak memiliki sistem kader yang mapan terutama bagi pendidikan kader perempuan. Akhirnya, kandidat perempuan apalagi yang baru terjun ke dunia politik menjadi bingung dan tak tahu arah gerak yang pasti. Apalagi bila menghitung jumlah politikus laki laki yang harus dilawan dalam persaingan menuju kursi kepemimpinan lokal dan nasional banyak kandidat perempuan menjadi takut dan merasa terkucilkan untuk mendapatkan memenangkan hingga dapat duduk menjadi pemimpin.

Menang dalam pemilu dan menjadi pemimimpin adalah bagian dari perjuangan panjang, niat tulus, kerja keras dan buah dari persiapan yang matang. Bentuk persiapan harus di pikirkan jauh-jauh hari, bukan merupakan sesuatu yang sifatnya instant, karena masyarakat tidak hanya memilih berdasarkan ketenaran para kandidat melainkan juga kepercayaan akan pola kepemimpinan dan kinerjanya yang sudah harus bisa dilihat. Masyarakat merindukan kemapanan, situasi yang stabil dan juga kepastian kebijakan. Masyarakat butuh perubahan yang bisa langsung di rasakan bukan hanya dengan janji-janji politis, masyarakt sudah lelah dibohongi.

Sekarang tergantung bagaimana kemudian, kandidat perempuan meramu strategi politik yang baik mulai dari pembentukan tim pemenangan, pembuatan pusat koordinasi, hingga strategi isu yang harus dimainkan dalam masa kampanye.

Tim Sukses Pemenangan Pemilu

Langkah pertama yang harus dibentuk setiap kandidat perempuan adalah membentuk tim pemenangan atau tim kampanye yang bekerja ditingkat suku. Tim pemenangan haruslah orang-orang yang mau mendengar pendapat, saran, peka terhadap perubahan strategi lawan dan dapat membaca situasi dan kondisi, serta pandai dalam mengambil sikap.

Tim inilah nantinya yang bersama-sama menggarap langkah-langkah kerja strategis dan aksi yang dibutuhkan setiap kandidat dalam memenangkan pemilu. Tim ini juga harus mampu menjadi jembatan silaturahmi antara pasangan calon yang diusungnya dengan sejumlah tokoh masyarakat yang berpengaruh di wilayah tersebut. pola tradisi sebagian masyarakat Timor Leste peran tokoh masyarakat dan agama sangat signifikan terhadap hasil perolehan suara.

Walaupun tim pemenangan merupakan penggerak inti dari penggalangan suara pemilih namun faktor dominan dari kandidat perempuan itu sendiri juga sangat menentukan untuk menggalang image dalam masyarakat.

Sebelum kandidat perempuan dan tim pemenangan melakukan programnya dalam masyarakat, diperlukan adanya assement yang baik tentang kondisi masyarakat dan strategi apa yang paling layak digunakan. Guna mendapatkan assement ini, kandidat perempuan dan tim harus melakukan survey melalui penyebaran kuesioner dengan sejumlah pertanyaan didalamnya. Penentuan pertanyaan didalam kuesioner tidak boleh sembarangan, tapi merupakan rangkaian pertanyaan yang mengarahkan pada sosok kandidat, kebutuhan riil/mendasar dari masyarakat dapil si kandidat, hingga tanggapan masyarakat tentang kandidat untuk mengetahui sejauh mana popularitas kandidat. Kuesioner inilah, dari hasil kerjanya akan didapati sejauh mana peluang kandidat dimasyarakat, kekuatan kandidat untuk menggalang massa, apa titik kelemahan dan kelebihan kandidat, tingkat kebutuhan masyarakat secara politik dan kebutuhan riil yang akan dimasuki kandidat sebagai kekuatan isu kampanye, hingga pada taraf strategi pemenangan.

Selain survey, kandidat perempuan dan tim juga dapat melakukan wawancara atau diskusi dengan tokoh masyarakat, pakar politik, NGO, jurnalist, pemuka agama atau pemimpin adat termasuk para pemimpin pemerintahan lokal. Wawancara ini berguna untuk mengetahui analisa mendalam para tokoh kunci ini mengenai kondisi sosial politik, ekonomi, sosok kandidat, dan perkembangan isu yang menjadi fokus penting kandidat. Hasil yang didapat, kandidat nantinya dapat memainkan/memanfaatkan tokoh kunci ini sebagai informan, pengarah strategi, tindakan aksi dan pengaruh tokoh kunci tersebut. Selain hal tersebut, kandidat dan tim bisa juga melakukan fokus group diskusi untuk menggali informasi sedalam-dalamnya dimasyarakat secara langsung tentang kondisi masyarakat secara menyeluruh. Diskusi ini, mengundang masyarakat bawah dengan model diskusi di aldeia atau suku ataupun diskusi per kelompok. Dari hasil diskusi kita dapat memetakan permasalahan masyarakat, apa kebutuhan mendasar, hingga pada taraf apa yang diinginkan masyarakat dan merumuskan tindakan riil yang akan diambil. Dengan pola diskusi ini, kandidat akan mengetahui jalan berfikir dan kebiasaan yang ada dalam masyarakat. Masyarakat akan ditelanjangi habis pada proses ini, sehingga kandidat bisa lebih terfokus dalam menentukan isue kampanye yang akan dibuat.

Dari assessment berupa survey, wawancara dan diskusi terfokus akan memudahkan kandidat perempuan dalam memetakan persoalan yang terjadi di masyarakat pemilih, langkah-langkah taktis yang perlu dilakukan hingga bagaimana meraih suara pemilih sebanyak-banyaknya.

Strategi Kampanye Yang Efektif

Kampanye adalah bagian strategi pemenangan yang lain yang juga merupakan akses menuju tujuan. Dalam kampanye hendaknya setiap pasangan calon memberikan beberapa visi dan misi yang jelas terhadap apa yang hendak menjadi prioritas kebijakannya nanti ketika dia menjabat, sejauh mungkin mengindari Black champagne atau kampanye yang menjelek-jelekan calon pasangan lainnya.

Contoh :

Belajar dari pengalaman berpolitik negara asal demokrasi yaitu strategi kampanye Barack Obama (Presiden Amerika terpilih), ketika menjelang hari-hari pemungutan suara, dimana lawan politiknya John M-Cain mengeluarkan strategi kampanye yang menjelek-jelekkan dirinya. Barack Obama membuat gebrakan dengan tidak balik menyerang, malah dia mengeluarkan kampanye tentang penjabaran program-program kerja yang akan dilakukan ketika dia menjabat nantinya hingga lima tahun kedepan. Artinya strategi kampanye hitam tidak akan pernah mendapat simpatik publik dalam bentuk apapun, melainkan malah akan menimbulkan penasaran lebih oleh publik terhadap calon pasangan lawannya hingga menurunkan rasa simpatik publik terhadap dirinya.

Begitupun dengan tema yang akan diangkat dalam kampanye, setiap kandidat harus dapat merespon masalah masalah apa saja yang dihadapi desa dan tema tema lainnya yang dianggap perlu disoroti misalnya tentang kelompok masyarakat marginal, masalah ekonomi, penegakan hukum, partisipasi politik perempuan, masalah tuntutan keadilan, keamanan, kesehatan, pemerintahan yang bersih, infrastruktura, masalah pluralisme dan lain-lain.

Kandidat juga harus dapat menemukan strategi atau kegiatan yang murah, massal dan tepat sasaran. Disini diharapkan kandidat perempuan bisa menciptakan inovasi-inovasi baru dalam mendapatkan simpati masyarakat dengan juga melihat masalah anggaran dan sumber daya yang dimiliki.

Contoh kegiatan yang bisa dilakukan :

- Mengunjungi fasilitasaun umum yang ada di suku/desa seperti pusat kesehatan umum, pusat pendidikan, pasar dan lainnya

- Melakukan dialog dengan pemilih pemula yang ada di sekolah (SMA), kelompok pemuda, kelompok perempuan lokal, tokoh masyarakat, tokoh agama, pemimpin adat setempat,

- Pemtaran film dan music

- Mengadakan sebuah talk show di radio komunitas setempat yang menghadirkan masyarakat lokal (perempuan), pemuda dan lainnya.

- Ditingkat nasional, organisasi yang memperhatikan kepentingan wanita harus dapat memfasilitasi promosi para kandidat yang akan bertarung di level desa/suku menggunakan media komunikasi nasional seperti TVTL, RTL, jaringan radio komunitas, media printing nasional seperti STL, Timor Post, Diario dan sebagainya

- Kelompok kelompok relawan yang berdiri juga akan sangat membantu melakukan kampanye di tingkat desa dan aldeia.

Untuk memuluskan kegiatan ini diperlukan persiapan material kampanye berupa sticker, leaflet, bendera, spanduk, kaos, brosur dan lainnya dengan asumsi material tersebut dibagikan kepada simpatisan dan masyarakat yang ada di desa.

Sosialisasi Profil Kandidat

Metode memperkenalkan diri, menjabarkan program kerja, tujuan utama kemenangan dan juga apa yang sudah pernah dilakukan adalah metode yang sangat signifikan terhadap kunci menuju kemenangan. Sosialisasi yang matang, adalah sosialisasi yang direncanakan jauh-jauh hari dengan melihat kondisi serta situasi di lapangan. Peng-iklanan diri harus dilakukan dengan jalan memahami budaya yang ada dan memahami issue yang paling trend pada saat itu. Terkait status incumbent sedikit banyak juga mempengaruhi, karena secara langsung ataupun tidak status incumbent lebih memiliki kekuatan untuk membentuk opini publik.

- Pertanyaan yang harus dipahami dalam melakukan sosialisasi.
- Siapakah dirimu ?
- Apa saja yang sudah pernah kamu lakukan?
- Apakah yang bisa kamu buat di daerah ini ?
- Apa saja strategi kebijakan yang dapat kamu lakukan untuk mengurangi kebodohan dan kemiskinan di desa setempat?
- Berapa banyak yang bisa kamu lakukan untuk desamu?

Konsep strategi politik itu sendiri paling baik bila dijelaskan, dipahami dan diingat serta diletakkan dalam konteks praktis. Hal ini dimaksudkan untuk memberi kesempatan melihat bagaimana strategi dapat diterapkan dalam praktik (baik berhasil maupun tidak). Konteks praktis ini akan berujung di hari –H pemilihan dimana semua proses yang memanas dalam masa kampanye akhirnya akan meredup. Saat itulah para kandidat akan mengetahui apakah strategi yang mereka rencanakan, organisasikan dan terapkan dalam waktu yang lama akan membawa keberhasilan atau tidak kepada mereka. Setelah pemilu selesai apapun hasilnya diperlukan sebuah analisis untuk dapat menganalisa faktor-faktor yang bisa menguntungkan kandidat di pemilu selanjutnya.

A Luta Kontinua

Vota Ba Feto, Vota Ba Dame

Sources :

*Rede Feto/ICP - dirangkum dari berbagai sumber

LIDERANSA KOMUNITARIU : SERVI POVU, BUKA ATU HADIA NO HASAE KAPASIDADE HUMANA SUKU NIA LARAN

2009-09-23T00:46:00.000-07:00

Prosesu Eleisaun Lideransa Komunitaria oras ne’e dadun tama ona ba fase preparasaun kampanha eleisaun. Maski hetan problema balun relasaun iha prosesu apresentasaun lista kandidatura iha fulan kotuk maibe oras ne’e dadaun situasaun lao normal no seguru. Informasaun husi Xefi Departementu Administrasaun Finansa no Logistika STAE, Manuel Branco hateten katak total pakote kandidatu hamutuk 1208 hanesan total pakote ne’ebe sei kompete iha eleisaun xefi suku loron 09 fulan Outubru. Total pakote ida ne’e kompostu husi pakote kandidata feto hamutuk 42 no pakote kandidatu mane hamutuk 1166. Hare husi pakote feto nian, Distritu Oecusse hanesan distritu ne’ebe pakote feto nian barak liu. Hamutuk pakote feto 6 prontu kompete ho pakote mane 77 iha Eleisaun 9 Outobru 2009.

Se ita kompara ho komposisaun feto lideransa ne’ebe tu’ur hanesan Xefe Suku maka husi Eleisaun Konselhu Suku 2005 ita hetan feto nain 8 sai hanesan Xefe Suku husi 442 suku ne’ebe iha. Husi numeru hirak ne’e, feto hetan persentase 1,809. Iha Eleisaun 2009, partisipasaun feto nian hamutuk pakote 42 husi total total pakote 1208, resultadu ida hatudu feto hetan persentase 3,475. Persentase hirak ne’e hatudu mai ita katak partisipasaun feto atu kompete iha eleisaun sei limitadu tebes kompara ho mane sira. Maibe se kandidata feto sira nain 42 bele manan iha eleisaun ida ne’e maka persentase lideransa feto iha autoridade lokal hanesan xefe suku bele sai husi persentase 1,809 ba persentase 9,502.

Manuel Branco mos informa katak agora dadaun STAE hanesan sekretariado tékniku nebe organiza prosesu eleitoral preparadu ona atu halao sira nia knaar iha Eleisaun Lideransa Komunitarian ne’e.

“Buletin votus print dadaun ona no ami sei produs tuir eleitoral maibe ami sei halo liu atu prevene keta lato’o karik”, dehan Manuel Branco iha STAE Caicoli, Dili.

Maski hetan kritika maka’as ba sira nia serbisu durante halao prosesu apresentasaun lista kandidatura, STAE metin nafatin ho ninia prinsípiu neutru ka independenti ba kualker parte. Problema iha prosesu ne’e rasik barak tamba falta informasaun husi Brigada sira ba komunidade liu-liu iha aldeia sira. Problema hirak ne’e halao kandidatura barak la passa iha prosesu apresentasaun ida ne’e tamba sira la hatene informasaun ne’e klaru relasaun prosesu ne’e. Falta informasaun ne’e mos hamosu kandidatu uniku iha suku 48 iha Timor laran tomak. Tuir Maria Angelina Sarmentu husi Komisaun Nasional da Eleisaun (CNE) informa katak baseia ba supervisaun maioria prosesu ne’e lao ho diak maibe iha frekeza balun husi parte STAE ninian. Nia mos esplika bainhira apresentasaun lista kandidatura ne’e pakote sira ne’ebe apresenta husi Xefe Suku aktual (Xefe Suku agora) maioria sira nia kriteria mai kompleta kedas maibe pakote sira seluk ne’ebe mai husi kandidatu laos husi Xefe Suku aktual hetan problema boot atu bele kompleta sira nia lista.

”Husi ida ne’e ami bele haree katak STAE ninia pendekatan ba edukasaun votantes ba apresentasaun kandidatura la masimu, tamba sira la fahe direitamente informasaun konaba prosesu apresentasaun kandidatura ba komunidade iha aldeia aldeia. Sira fo deit informasaun hirak ne’e ba Xefe Suku aktual sira”, informa Komesaria Angelina durante halao workshop iha Salaun Fokupers.

Eleisaun demokratiku ne’ebe kompostu deit ho kandidatu uniku hamosu reasaun husi komunidade sira liu-liu husi kandidatu nain 5 ne’ebe la passa iha prosesu apresentasaun hanesan kazu ne’ebe akontese iha Suku Bairopite, Distritu Dili. Kandidatu ba Xefe Suku no sira nia suplentes ne’ebe la pasa hato’o keixa ba parte STAE no CNE inkui mos ulun boot nasaun nian. Baseia ba sira nia karta deklarasaun, sira ameasa katak Suku Bairopite ne’ebe kompostu husi aldeia 32 – Sub distritu Dom Aleixo sei la tuir eleisaun xefe suku ne’ebe mak sei monu iha 9 Outobru fulan oin.

“Iha loron 25 Fulan-Agostu tinan ne’e ema ne’ebe mak kandidatu ba Xefe Suku no Xefe Aldeia deklara katak populasaun husi Aldeia 32 pertensi husi Suku Bairopite la tuir Eleisaun xefe suku no xefe aldeia ho razaun katak kandidatu sira ba Xefe Suku Bairopite maka Sr. Joao da Costa Belo deit maka kandidatu an hanesan xefe suku, ” kandidatu sira deklara.

Kazu andidatu uniku ne’ebe mosu iha Suku Bairopite hanesan keixa ida ne’ebe hato’o ba CNE kona-ba apresentasaun lista kandidatura 2009. Too loron 11 Fulan-Setembru , CNE simu reklamasaun husi eleitor sira hamutuk 11. Tuir relatoriu CNE nian kazu seluk hanesan diskriminasaun husi brigada sira durante prosesu apresentasaun, alegasaun kandidatu balun mai husi partido, xefe suku aktual baku komunidade nomos kazu husi Suku Oebobo ne’ebe hato’o suku ha’at la partisipa iha prosesu kandidatura.

Maski keixa hamutuk 11 tama ba CNE maibe la hapara prosesu ba eleisaun. Tuir kalendariu eleisaun nian depois STAE publika lista final no definitivo iha loron 8-9 Fulan-Setembru, sira mos iha responsibilidade atu bele halao preparasaun ba buletim de vota tuir lista final ne’ebe iha. Komisariu CNE asuntu Relasaun Publiku Arif Abdullah Sagran informa katak komisariu nain tolu hamutuk ho direitora STAE aranka ona ba Kupang-Indonesia hodi halo filmazem ba bulettin votu nian antes print iha Dili.

Iha loron 30 Fulan-Setembru too loron 6 Fulan-Outobru 2009, kalendariu eleisaun tama ba prosesu kampanha eleitoral. Iha prosesu ne’e, tuir artigu 23 Lei no.3/2009 kandidatu/a sira hetan opurtunidade loron 7 atu bele halo kampanha ba sira pakote iha area suku ida-idak. Maibe tuir antigu 24 Lei no 23/2009 heteten katak duarnte kandidatu/a sira halao kampanha sira tenke respeita prinsipiu liberdade, proibisaun ba vinkulasaun kandidatura sira ba partidu politiku sira, igualdade opurtunidades, imparsialidade no transparensia. Periodu kampanha nudar prosesu ida ba kandidatu/a atu bele artikula no komunika ba komunidade suku nian kona-ba programa no atividade kandidatu/a sira ida-idak prepara tiha ona,. Kandidatu/a sira mos tenke buka no fo solusaun ba problema ne’ebe maka komunidade suku sira hasoru.

“Kampanha eleitoral nu’udar kompetisaun ideia eh hanoin sira ne’ebe hatadan husi programa eleitoral oin-oin maka kandidatu sira apresenta. Iha esforsu atu prova katak sira nia programa mak diak liu, kompara ho programa husi kandidatu konkorente sira seluk,” hateten Fautino Cardoso nudar Presidente CNE nian.

Preparasaun ba kampanha ne’e laos deit halao husi STAE no CNE maibe mos husi kandidatu/a ida ida atu bele manan iha eleisaun ne’e. Kandidatu hotu-hotu komesa prepara oinsa sira bele kolia kona-ba sira nia programa liu-liu programa ne’e bele resolve problema ne’ebe mosu iha suku laran. Manuel Ximenes hanesan hanesan kandidatu ba Xefe Suku Bemori hateten katak maski nia ema partidu nian maibe nia la lori simblo husi partidu nian bainhira nia apresentasaun ninia lista no nia prontu halao kampanha iha Suku Bemori.

“Hau iha ona programa ha’at ne’ebe feitu no preparadu ona tamba atu sai lideransa ida ne’ebe maximu iha suku laran tenki liha programa, se la iha hanesan deit tan ne’e hau prontu atu servi povu, buka atu hadia no hasae kapasidade humana suku nia laran, tau matan ba ferik no katuas sira nomos asesu ba bee mos iha Suku Bemori”, nia deklara.

Iha fatin la hanesan, maski kandidatu feto ne’ebe atu konkore iha eleisaun tuir mai mak pakote 42 deit maibe sira fiar katak feto maluk sira bele vota ba kandidata feto sira iha loron 9 Fulan-Outobru 2009. Josefa Kaibeti hanesan kandidatu feto ida husi suku Motael haktuir katak maske nia no feto maluk sira seluk ne’ebe hakarak involve a’an iha eleisaun hasoru ho limitadu data ne’ebe STAE fo ba prense lista kandidatura maibe nia esforsu a’an nafatin lao ba oin.

“Hau fiar katak feto maluk sira iha suku Motael bele vota ba hau iha eleisaun tuir mai ne’e!”, dehan Josefa bainhira hasoru malu iha diskusaun meja kabuar semana kotuk liu-ba.

Joana Bobo Tano, hanesan kandidata feto ida husi Suku Bobometo Sub Distritu Oesili-Oecusse mos sei fiar nia sei hetan vitoria kompete ho kandidatu mane sira.

“Hau a’an sente hetan tulun no kbiit husi nia komunidade rasik no mos nia familia tamba nee hau mos tau metin nia fuan katak nia kompete ho mane sira seluk ne’ebe hatama husi Suku Bobometo nian ba eleisaun periode nee ho fiar katak hau mos sei hetan vitoria”, hatete nia iha nia fatin iha distritu Oecusse.

Iha eleisaun loron 9 Fulan-Outobru tuir mai, pakote kandidatu ida deit mak bele manan no sai lideransa komunitaria. Maski triste kandidatu balun ne’ebe lakon tenke iha maturnidade politika no simu ho laran luan tamba iha prosesu kompetisaun ema tenke manan ka lakon. Maibe lakon iha eleisaun la bele sai obstaklu ida atu bele apoio kandidatu ne’ebe manan eleisaun halao sira nia programa dezenvolve suku nian. Suku Soares, Martinho no Abel hanesan kandidatus Xefe Suku husi Distritu Ermera hateten sira prontu tuir eleisaun no karik sira la liu, sira prontu nafatin fo apoio no suporta ba kandidatus sira ne’ebe mana eleisaun no fo suportasaun nafatin ba sira nia serbisu. Laos ida ne’e deit, bainhira kandidatu manan mos tenke iha komitmentu boot atu bele implementa sira nia promete durante periodo kampanha la hare se mak boot liu no kor partidu politika. Liafuan hirak ne’e mos sai promesa husi kandidatu Xefe Suku Bahu Distritu Baucau, Julio da Silva Belo.

“Se bainhira komunidade hili nafatin nia atu sai kandidatura Xefe Suku, tan ne’e nia prontu atu servi ba povo hanesan servi ba enjeral nune’e la haree ba bot, la haree ba partido nomos la haree ba ema intelektual maibe atu serbi ba komunidade povo tomak baucau nian. Ami iha esperansa katak katak fo fiar mai ami ba buat ne’ebe ami halo ona iha tinan tolu ka ha’at nia laran tan ne’e ami buka atu hadia diak liu-tan fali”, Julio deklara.

Durante periudu kampanha, faktor seguransa sai faktor ida ne’ebe importante atu kandidatu/a ida-idak bele apresenta sira nia programa no plano ba suku nian. Maski faktor seguransa hanesan responsibilidade komunidade hotu ninian maibe Polisia Nacional Timor Leste (PNTL) hanesan kaer poder ba seguransa Timor laran tomak prokntu fo seguransa ba eleisaun ne’e. Tuir data husi STAE efeitivu PNTL nain 729 prontu fo seguransa maximu no la tolera kualker groupu ne’ebe halo instabilidade ba rai ida ne’e.

“Hau apela ba komunidade liu-liu ba jovens sira tomak atu kria unidade no hametin estabilidade atu nune’e situasaun bele lao ho hakmatek to’o eleisaun remata. Ida ne’e importante tamba seguransa laos iha polisia mesak deit maibe presiza kontribuisaun no kolaborasaun husi komunidade tomak”, hateten Sub-Inspektur Antonio Mauluta hanesan Komandante Polisia Distritu Aileu.

Durante loron 7 kandidata ida-idak tama ba periodu kampanha eleitoral antes tama ba loron eleisaun iha loron 9 Fulan-Outobru 2009. Iha periodu ne’e, kandidatu sira tenke haberan sira nia planu no programa ba komunidade suku sira liu husi atividade oin-oin atu bele hetan apoio husi eleitor sira iha loron eleisaun. Kapasidade kandidata sira sai orador publiku hanesan faktor importante atu komunidade bele fiar sira nia programa no hili sira. Atu bele hetan dame durante prosesu ne’e maka Faustino Cardoso hanesan Presidente CNE apela ba kandidatu sira no komunidade hotu bele maintein espiritu no hahalok siviku no hatudu kompromisu maka’as ba paz ne’ebe haktadan-an nanis tiha ona iha ita nia esperiensia eleitoral desde tinan sanulu liu-ba.***

*Foti husi rekursu oin-oin.

JEFA KAIBETE; HAU LA TAUK MANE

2009-09-23T00:39:00.000-07:00

Jefa KAIBETE
CJITL flash (www.cjitl.org). Jefa Kaibete, kandidatu feto uniku husi Suku Motael ba pakote eleisaun suku nian liu husi diskusaun meja kabuar ho jornalistas sira iha Auditoriu UNTL hateten nia la ta’uk atu kompete ho mane iha eleisaun fulan oin.

Kandidatu feto husi suco Motael ne’e, hetan oportunidade hodi participa iha Diskusaun Meja Kaboar ne’e ho tema Papel Importante Media Konaba Partisipasaun Feto iha Eleisaun Lideran Komunitaria foin lalais ne’e iha Salaun Auditorium Liceu, UNTL-Dili ne’ebe organiza husi Timor Leste Media Development Center – TLMDC liu husi apoiu UNIFEM.

“To’o ona tempo atu feto sai lideransa la’os atu simu deit bainka ka servisu iha dapur, hau moris ho direitu ida igual ho mane sira, hau la tauk atu ukun, no tempu ba hau no hau nia feto maluk sira atu ukun rai ne’e to’o dadauk ona” Jefa hateten ho kampanha oitoan iha media hotu nia oin.

Nia dehan maske iha defikuldade barak maibe sempre iha koragen atu halo mudansa ba nia an nudar feto ne’ebe sempre kaer metin ba liafuan jeneru.

““Hau tristi tebes wainhira rona mane sira dehan feto laiha kapasidade tamba feto barak mak moe atu hamrik iha oin. Hau hanoin ne’e lalos”,tenik nia

Direitur TLMDC, Francisco da Silva Gari hateten Estadu Timor Leste iha mudansa politika ne’ebe diak hodi fo oportunidade ba feto sira atu bele kompete ho mane seluk asuntu lideransa nian.

Nune’e mos, Reprezentante husi Forum Komunikasi Perempuan (FOKUPERS), Adelia Guterres argumeta katak feto Timor Leste ne’ebe involve an iha vida politika ho pursentu ne’ebe minimu tanba ne’e persiza estadu no governu tau matan ba asuntu ida ne’e.

Konsultan Internasional ba TLMDC no UNIFEM, Firmansiah M.S. iha nia aprezentasaun durante diskusaun hateten, jornalista mak tenki hatudu mudansa iha nia kobertura hodi fo fatin barak liu ba feto iha reportajen sira.

“Ita mak ajenti, ita mak mudansa, se ita la hahu fo fatin ba feto iha ita nia noticia, ita nunka mais atu hahu” Firman hateten ho Bahasa Indonesia.

Participa iha diskusaun, jornalistas media nasional husi Dili no mos voluntarius husi Radio Komunidade iha Timor laran tomak.(ts/cjitl)

“KODEGU KONDUTA NE’E BUKA FANUN NO FO HANOIN BA KANDIDATU KONKORENTE SIRA HAMUTUK HO SIRA IDA-IDAK NINIA APOIANTE SIRA”

2009-09-21T21:57:00.000-07:00

Mensazein Prezidente CNE, DR. Fautino Cardoso Gomes, Msi durante Seremonia “PAZ no UNIDADE” Eleisaun Lideransa Komunitaria 2009.

Uluk nana’in ho CNE nia naran no pesoalmente, hau hakarak hato’o saudasaun eleitoral no kongratulasaun ba kandidatu sira tomak tamba ho susesu imi konsege aprezenta ini nia lista kandidatura iha tempu determinadu husi kalendariu eleitoral ba eleisaun lideransa komunitaria 2009.

Tuir mai, hau hakarak kongratula mos eleitor sira tomak ba imi nia sentidu siviku ne’ebe aas tebe-tebes, ne’ebe imi hatudu desde konsulta popular iha tinan 1999 to’o ohin loron. Ne’e evidente imi hatudu nafatin liuhusi taxe partisipasaun ne’ebe aas iha prosesu eleitoral sira tomak mak halao iha nasaun –doben ne’e too ohin loron.

Hau husu atu imi mantein nafatin esperitu eh sentidu siviku ne’e iha eleisaun lideransa komunitaria tuir mai. Prosesu eleisaun ba lideransa komunitaria ne’ebe mak justu, livre no pasifiku sei sai nudar maktadan ida no kontribuisaun bo’ot ba paz no estabilidade iha ita nia rai-laran.

Maluk eleitor sira tomak mak hau respeita, lakleur tan ita atu tama ona ba aktu eleitoral kritiku ida mak kampanha eleitoral. Ne’e nudar prosesu ida liuhusi ne’ebe kandidatu sira sei artikula no komunika be eleitor sira programa no atividade sira ne’ebe mak sira ida-idak prepara tiha ona atu, karik sira eleitu hodi buka fo solusaun ba problema eh lia sira ne’ebe maka komunidade sira hasoru iha suku nia laran.

Iha realidade, kampanha eleitoral nu’udar kompetisaun ideia eh hanoin sira ne’ebe hatadan husi programa eleitoral oin-oin maka kandidatu sira apresenta. Iha esforsu atu prova katak sira nia programa mak diak liu, kompara ho programa husi kandidatu konkorente sira seluk, dala barak kandidatu sira hakat liu tiha limites kompetisaun saudavel ba hanoin eh ideas hodi ikus mai tama iha haksesuk-malu pesoal no ne’e dala barak involve mos agresaun ho natureza tantu psoikolojika nune’e mos fizika. Insidente sira hanesan ne’e bele perturba paz no unidade iha komunidade nia let ho konsekuensia sira tomak ne’ebe mak impreziveis.

Haree ba faktu sira ne’e, orgaun administrasaun eleitoral sira elebora kodegu konduta ba kandidatu sira. Kodegu konduta ne’e buka fanun no fo hanoin ba kandidatu konkorente sira hamutuk ho sira ida-idak ninia apoiante sira, regra bazika sira kona-ba konvivensia demokratika nian durante kampanha eleitoral.

Ba ambitu atu divulga sai kodeku konduta ne’e ba iha kandidatu sira nia let, CNE sei organiza iha distritu sira hot-hotu seremonia ho tema “Ceremonia Kompromisu ba Paz no Unidade” ba Eleisaun Lideransa Komunitaria 2009. Durante seremonia sira ne’e, kandidatu ba xefe suku sira-ne’ebe enkabesa lista kandidatura no testemunha ida husi ninia lista kandidatura sei konvida atu mai partisipa iha seremonia atu hodi asina kodegu konduta atu hodi simboliza sira ida-idak ninia komprimizu atu haree ninia konduta eleitoral nune’e mos konduta eleitoral ninia membru lista kandidatura sira seluk nudar funsaun ba prinsipiu sira ne’ebe mak haktadan iha kodigu konduta ne’e.

Durante halao seremonia ne’e, CNE husu mos ba kandidatu xefe suku sira atu prepara no aprezenta antes ona, iha oin, sira ida-idak ninia programa eh atividade kampanha eleitoral. Ne’e mai ho hanoin atu permite CNE hamotuk ho autoridade kompetente sira seluk ne’ebe maka tenki akompanha eleisaun bele devidamene prepara-an. Haktuir ba lei, CNE tenki buka garante katak atividade kampanha eleitoral husi kandidatu sira, ne’ebe maka la hanesan sei la koensidi eh naktidinmalu iha fatin no oras hanesan, atu nune’e bele evita konflitus. Nune’e bainhira kalendario kampanha eleitoral ne’e tama iha tempu oputunu eh entrega antes iha oin, CNE bele buka ajuda ajusta programa kampanha eleitoral sira hodi tuir mai buka evita koinsidensia sira hanesan ne’e.

Liuhusi okazisaun seremonia ne’e, CNE sei tau matan mos ba kanalizasaun fundu (subsidiu) mak Estadu Timor Leste liuhusi IV Governo Konstitusional kompromete atu subsidia ba atividade kampanha eleitoral husi lista kandidatura sira ida-idak, tuir lei ba eleisaun lideransa komunitaria nian (No. 3/2009) haruka. CNE sei aproveita esplika mos oin-sa atu lista kandidatura sira ida-idak bele aprezenta sira nia konta ba CNE hafoin remata tiha eleisaun lideransa komunitaria iha loron 9 Fulan-Outobru 2009.

Nune’e, hau hakarak konvida kandidatu ba xefe suku sira hot-hotu atu partisipa iha seremonia kompromisu ba paz no unidade mak sei hala’o iha distritu ida-idak tuir kalendariu mak CNE prepara no publika sai tiha ona. Karik atu hetan informasaun liu tan kona-ba ne’e, sidadau eh kandidatu interesadu sira bele kontakta ba CNE liuhusi ninia sede nasional eh liuhusi CNE ninia Pontu Fokal sira iha distritu tomak.

Ikus liu, hau hakarak dala ida tan, apela ba ita tomak hodi halo votus katak prosesu eleisaun mak atu hala’o iha tempu badak ne’e bele lao ho paz, faktu ne’ebe so bele akontese karik kandidatu sira, eleitor sira no sidadaun Timor Leste sira tomak, ein jeral bele maintein espiritu no hahalok siviku no hatudu kompromisu maka’as ba paz ne’ebe haktadan-an nanis tiha ona iha ita nia esperiensia eleitoral desde tinan sanulu liu-ba.

Ita heinkatak maromak nia roman no grasa sei hamotuk nafatin ho ita. Amin

Setembru 2009

Prezidente CNE

DR. Faustino Cardoso Gomes. Msi.

STAE NUDAR MAKINA ELEITORAL EFEITIVU

2009-09-21T19:16:00.001-07:00

Artikel ida ne’e ami foti husi website STAE nian (www.stae.tl) atu bele haklean informasaun ba kolega sira kona-ba STAE nia serbisu durante ne’e. Obrigada.

Ita bele dehan katak serbisu Secretariado Técnico de Administração Eleitoral (STAE) durante tinan lima (5) nia laran to´o oras nee la´o efektivu teb-tebes. Maski iha eleisaun lubuk ida foin lalais nee, ema balun krítika maka´as órgaun téknika eleitoral nee ho dezkonfiansa parsialidade, maibe dezafius hirak hanesan nee halo STAE metin nafatin ho ninia prinsípiu neutru ka independenti ba kualker parte. Kuaze ema barak teb-tebes mak to´o oras nee apresia teb-tebes STAE ninia esforsu hodi ikus mai fo rezultadu serbisu nebe efektivu no susesu ba eleisoens hirak foin liubá nee. Klaru katak krítikas hot-hotu la fó garante katak ema nebé hato´o krítika sei sai perfeitu liu fali ema nebe ita krítika. Buat hot-hotu laiha ida ke perfeitu tanba susar teb-tebes atu hatún paradizu mai iha mundu rai-klaran. Ho apresiasaun boot ba STAE nia serbisu durante nee, ita tomak presiza akompanha saida deit mak iha tempu naruk nia laran órgaun administrasaun eleitoral nee hala´o ba povu no nasaun doben nee. Neduni, ita sei akompanha hamutuk ideias importantes balu hosi Director STAE, Sr. Tomás do Rosário Cabral, iha nina eskritóriu Caicoli (entrevista halao iha loron 9/08) kona ba programas hirak nebe sira hala´o ona durante tinan lima nia laran.

Estabelese Database hosi Nível Aldeia to´o Distritu
Sr. Tomás esplika katak STAE neáe hanesan sekretariado tékniku nebe organiza prosesu eleitoral. STAE mai hosi sekretariadu eleitoral independenti husi Nasoens Unidas nebe transfere ba governu Timor-Leste depois de 20 Maio 2002. Fofoun STAE iha Primeiro Ministro nia okos. Ikus mai, Ministério de Administação Estatal komesa kria diresoens nasionais hitu (7) inklui Secretariado Técnico de Administração Eleitoral. Iha tempo nebá STAE moris ho Diploma Ministerial nebe esforsu-án atu servisu hodi organiza eleisoens liu hosi prosesu resensiamentu eleitoral. Nee ho razaun atu ita nia komisaun regula resensiamentu eleitoral hodi halo atualizasaun tinan ida dala ida.
Nia mos hatutan tan katak STAE depois de Diploma Ministerial 21 Maio 2003 to´o 31 Agosto 2003 halo resenseamentu eleitoral ba dala uluk iha Timor-Leste. Resenseamentu iha Timor-Leste ne´e halo ba nível nasional. Iha ne´e estabelese ona base de dados (database) ba resenseamentu eleitoral. Base de dados ne´e forma husi Timor oan sira. Momento ne´e STAE iha deit ema nain hitu (7) nebe konsege forma base de dados nasionais nebe konsentra hotu iha Dili. Base de dados ne´e funsiona duni hodi la kleur mosu eleisoens suku nian.
Problema eleisoens iha nível suco nee la´os kamán tanba iha tempu ne´e sukus no aldeias barak teb-tebes. Difísil uitoan tanba suku ka aldeia barak mak mai hosi naran resistência nian hodi hamosu Diploma Ministerial nebe identifika mos sukus sira mai husi rejime Português ho Indonesia. Total mak hamutuk sukus 442 ho aldeias 212,000. Sukus ho aldeias sira ne´e ho membrus do konselhus tomak mak hahú eleisoens do sukus. Tamba rekursus humanus oituan, entaun ita halo baze adat komesa husi Bobonaro ho Oecusse to´o remata Dili ho Liquisa. Nee han tempo kuaze tinan 1. Tanba ne´e maka kontituisaun dehan katak tinan-tinan sei halo base de dados.
Tuir Sr. Tomás nia hanoin, iha mos obstákulu uitoan tanba momentu ne´e ita la konsege halo klasifikasaun ba género. Nee ho razaun katak eleisaun sukus nee la´o hela iha tempu UNTAET nian. Eleisoens Asembleia kontituante no eleisoens prezidensiais la konsege halo resenseamentu eleitoral tanba resenseamentu nee karun teb-tebes i presiza rekursus humanus no materiais ne'e bo´ot teb-tebes atu halo prosesu resensamentu eleitoral. Ita hotu hatene, prosesu eleitoral buat ida todan i presiza lei no rekursus humanus ou material atu establese sistema ne´e.

Identifika no Klasifika Eleitores
Kona ba ajudus hosi nasaun seluk, Sr. Tomás esplika katak iha momentu nebá governu Português fo asistênsia material hanesan kadernu ho kartaun eleitor nebe ita uza ba halo resenseamentu eleitoral. Ne´e mos parseiru dezenvolvimentu sira seluk hanesan USAID sira estabelese aparelu atu rai base de dados nebe importante teb-tebes. Buat importante nebe hala´o iha 2000-2004 mak establese base de dados ho kadernu eleitor hanesan arkivo nebe ita rai hela mos ba jerasaun foun. Base de dados nee mak foin lalais nee ita hahu uza iha eleisoens prezidensiais ho eleisaun parlamentáriu liubá.
Maski nunee, problema informátika nebe todan liu mak monta sistema base de dados, tanba sistema nee tenki monta tuir aldeias 212,000 no suku 442 hosi sub-distritu 65 iha distritu 13 nia laran. Iha ne´e presiza identifika ema nia naturalidade (moris fatin) no mai hosi nebé, atu bele halo cross-check hodi hatene eleitor orijen Timor-Leste bazeia ba lei nebe rigora sobre sidadaun nian. Ho razaun hanesan nee mak halo deit resenseamentu eleitoral hodi rejista deit ema Timor oan nebe moris iha Timor-Leste ou moris iha liur maibe inan-aman ema Timor bele rejista ba iha eleitoral. Hotu tiha mak ida ne´e mak bele avansa ba eleisoens sukus ho membrus de sukus ho aldeias. Iha tempo nebá difísil teb-tebes tanba ekipa ne´e tenki serbisu maka´as hodi perpara edukasaun votantes, material eleisoens nomós inskritóriu iha distritu ida-idak.
Tuir nia haré, buat ida simplis ba elisoens gerais ne´e ita halo simbolikamenti i halo nasional, maibe eleisoens sucos ho aldeas nee todan teb-tebes tanba ita tenki serbisu iha distritu i tenke halo kandidatura tuir númeru nebe iha. Tanba nee mak iha 2003-2004, STAE nia servisu tomak mak halo preprarasoens elisoens sucos i ba mos monta sistema base de dados iha 2005. STAE mos halo preparasaun ba lei eleitoral to´o eleisoens jerais, prepara mos e rekursus humanus ho naturais iha Outubru 2005 hodi nunee iha 2006 bele halo autorijasaun base de dados.

Esforsu Maka´as ba Eleisaun 2007
Prosesu hirak nebe temi iha leten, tuir Sr. Tomás, ladún la'´o diak tanba mosu netik fali krize iha 2006. Neduni iha 2005-2006, STAE nia papel importante mak prepara treinamentu elisoens jerais 2007 nomós atualizasaun base de dados. Krize nee mos halo STAE difisil atu loke eskritóriu ba aturijasaun base de dados nível distrital. Iha Dilli deit mos STAE hetan difikuldade iha sentru balu tanba la hetan seguransa másimu nebe rezulta mos STAE nia sfaf ida mate tanba hala´o hela servisu estadu nian.
Sr. Tomás mos afirma katak komesa kedas Outubro 2006 STAE preokupa teb-tebes oinsa bele halo preparasaun hodi kria sistema ida ke forti ba eleisaun jeral 2007. Iha tempu nebá mos konsege estabelese eskritóriu eleitoral iha distritu ida-idak nebe kompostu koordenador ida, ofisial administrasaun ida, ofisial lojístika ida, ho motorista ida atu fasilita prosesu nee. Iha mos kuadru distrital nebe hahú hala´o atualizasaun base de dados ho sistema elektróniku. Ezemplu mak kartaun eleitoral nebe uluk halo manual deit, agora bele iha ona modelu ida ke kapáz teb-tebes no modernu hanesan foin ita uza iha eleisoens hirak liubá nee.
Nia mos haktuir katak iha 18 Janeiru 2007, STAE iha ona dekretu lei nebe promulga husi Presidente da República katak STAE iha ona direitu no autonomia rasik atu lidera sekretariadu ida nee. Maski nunee, STAE tenki serbisu hamutuk nafatin ho Ministério de Administração Estatal ho diresaun nasional sira seluk. Tanba STAE presiza mos sira nia ajuda, entaun iha Janeiru 2007 hahú anúnsiu calendário das eleições. Sr. Tomás mos realsa katak tuir dekretu presidente, STAE tenki públika sentru kandidatus das eleisoens hodi komunika no halo levantamentu ba distritu, sucos, no aldeias atu hatene didiak centro de votação.

Prepara Sentru Votasaun no Edukasaun Votantes
Director STAE nee mos afirma katak iha eleisoens presidensiais liubá, STAE prepara sentru votasaun atus tolu (300) iha teritóriu tomak. Ne´e servisu ida ke todan teb-tebes tanba ofisiais sira tenki halo levantamentu ba distritu atu bele hatene kada distritu iha sentru votasaun hira. Preparasaun hirak nee hahú iha Janeiru tanba tuir lei, loron 30 antes eleisoens, STAE tenki fó-sai ba públiku kona ba sentru votasaun nebe iha. Papel importante boot ida husi parte informátika mak ita tenki prapara mos base de dados (database) no lista hodi ba distritu atu halo diskusaun nebe ikus mai bele fó-sai ba ema sira nebe vota.
Nia mos fo razaun katak eleitoral sírkulu nasional nee úniku i presiza lista atu haruka ba kraik. Entaun ekipa sira servisu hotu atu monta eskritóriu distrital, anúnsiu sentru votasaun, halo lei, hala´o edukasaun votantes, halo publikasaun, fo apóiu ba ONG sira atu hato´o informasaun ba distritu, rekruta no halo formasaun ba brigada no póliu staf. Prosesu hirak nee presiza liu husi ekuipa distrital ida nebe imparsial, transparente, no bele servisu mesak iha distritu atu defende interese nasional.
Tan nee, nia hatutan, ita konsege halo eleisaun jeral ba presidente da república nebe iha lei dehan katak sei iha eleisaun segunda volta. Maski iha momentu nebá orsamentu estadu la préve atu halo eleisan segunda volta, maibe ho apóiu lideransa tomak, apóiu Ministra ESTATAL, nomós Nasoens Unidas (UN) nian, diresoens hirak STAE nian konsege hala´o duni. Eleisaun perzidênsia sigunda ronda.
Iha distritu, nia hatutan, funsionáriu temporário distritu nian mak serbisu maka´as liu iha ekipa eleisaun nee hahú kedas hosi eleisoens presidensias to´o eleisaun parlamentária. Iha Eleisaun Parlamentária, nomiasaun ba membrus parlamentarius halo iha Komisaun Nasional Elisoens nian; STAE nia servisu mak verifika dokumentu ema sira nebe atu kandidata-án ba membrus parlamento hodi konfirma mos katak sira ne´e regista duni ka lae, tanba tuir ita nia Lei-Inan, kandidatus nebe rejistu mak iha dereitu ba vota. Neduni iha Eleisoens Prezidensias, STAE identifika lista apoiantes 5,000/7,500 ba kandidatus sira, hafoin haruka ba Tribunal Rekursu atu fo validasaun ba kandidatura sira.

Rejistu Sivíl ho Resenseamentu Eleitoral
Relasiona ho pozisaun STAE nian, Sr. Tomás realsa katak STAE moris hosi dekretu lei ida nebe subordinadu ba Ministério de Administração Estatal, maibe iha loron eleisaun STAE marka nia pozisaun neutru, imparsial, no transparenti. Ikus liu, Tribunal Recurso mak sei valida prosesu elitoral ne´e nebe STAE fasilita. Nia mos hatutan katak tenki mos iha preparasaun atu simu dezevolvemento iha area polítika nebe nakonu ho krítika maibe dezenvolvimentu la´o.
"Hau senti orgulhu teb-tebes tanba Governo Timor-Leste ho STAE konsege monta baze de dadus. Nee importante teb-tebes i baze de dadus ne´e prontu hotu ona husi kedas aldeias, sucos, sub-distritu, no disritus. Se aban bairua Governo nebe mak atu loke nia planu ba oin hodi realiza duni desizaun teritóriu baze de dadus, ita bele fo fila fali ba regioens ou câmara municipal tanba fahe kedas ona kada sucos, aldeias, i sub-distritus", nia afirma.
Atu rezumi STAE nia serbisu, Sr. Tomás Cabral esplika katak STAE nia susesu mak durante nee konsege halo lista elitores hahu kedas hosi nível aldeias. Nee difísil no todan teb-tebes tanba sira tenki monta uluk database nebe iha tempu UNTAET la konsege halo. UNTAET so halo deit resensementu eleitoral no rejistu sivil. Rejistu sivil nee halo rejistu ba ema hotu. Resenseamentu elitoral resensia deit ema nebe orijen Timor-Leste ou inan ka aman ema Timor. Definisaun no klasifikasaun hanesan nee mak, tuir nia hanoin, bele fo valor atu forma ita nia baze de dadus rasik nebe sei rai hanesan riku-soin ida ba jerasaun sira nebe atu mai uza ba prosesu sira seluk nebe ita hakarak.
"Hau hakarak esplika tan katak iha Eleisoens de Sucos, STAE konsege halo lansamentu livru ida nebe koalia sobre Eleisoens Gerais ou Eleisoens ba Sucos nebe detalhado teb-tebes. Livru kona ba Eleisoens Prezidensias no Eleisaun Parlamentária oras nee dadaun ami prepara hela no sei halo lansamentu ba públiku hodi anúnsia ba ema hotu kona ba total elisoens 2007 nia komponentis, aktividades no programas hirak nebe hala´o durante periode Eleisoens Gerais 2007", Sr. Tomás salienta.

Mekanizmu Serbisu
Kona ba mekanizmu kooperasaun ho Governo foun, Sr. Tomás afirma katak papel Secretariado Técnico prontu atu servisu ho governo se deit. "Hanesan ohin hau dehan hahú ema ho nain hitu atu buka rekursu humanus nee susar teb-tebes. Ema na´in hitu nee hetan formasaun maka´as iha Austrália, Tailândia, Portugal, no iha Timor-Leste rasik atu bele aumenta kapasidade hodi servisu mesak. Depois ema na´in hitu nee komesa avansa to´o na´in ruanulu resin ida (21). Ne´e hatudu katak mákina tenki la´o nafatin atu serbi Estado to´o Governo ida nebe deit mak ukun", nia realsa hodi hatutan mos katak maski troka lideransa ou buat seluk maibe mákina (STAE, red.) tenki funsiona nafatin atu fo asistênsia ba ema se deit mak atu ukun rai nee.
Tuir nia vizaun, oras nee dadaun mákina bele funsiona ba ema nain 21 i nia parte hein katak Governo foun aban bainrua bele la´o, se sira hanoin atu halo munisipalidade hodi fahe sistema ne´e rezionais ou ba divizaun teritorial. Ho ida nee ita bele konsentra ona governo nia planu polítika nebe ba teritóriu tomak. Atu realiza ideia nee, faze fundamental ida ita forma atu fo assistência ba governo se deit e ba governo nebe deit.
Nia halo komparasaun katak país língua Portuguesa (CPLP) sira mos uza sistema hanesan. Secretariado Técnico Eleitoral funsiona nafatin maski governu troka ba-mai. Iha rai balu iha Europa mos hanesan. "Hau to´o iha rai Europa nebá, sistema hanesan nee iha rai Portugal se mak halo? Câmara municipal, secretariado técnico iha Portugal nee la halo, maibe iha Timor-Leste lae. Câmara municipal sira la halo, distrito sira la halo, secretariado deit mak halo. Entaun vantazen nebe secretariado prepara importante teb-tebes tanba ita prepara terenu atu transfere fali ba aban bain rua ita nia governo atu la´o. Se ita iha dever teritorial ona, ida nee sei halai ba rai Timor-Leste laran tomak i ita sei tau iha distrito ka rezionais sira nebe iha para bele uza ona baze de dadus nee hanesan referênsia ida atu la´o ba oin", nia afirma hodi aumenta mos katak baze de dadus nee mai hosi aldeias no sucos, tanba nee mak fásil teb-tebes ita atu monta iha Câmara municipal i rezional sira.

STAE Prontu Nafatin Fó Assistênsia
Hanesan lia-menon ikus, Sr. Tomás Cabral konklui katak resenseamento eleitoral nee obrigat'óriu. Ita hotu haré foin dadaun nee ita nia maluk balu la rejistu tanba laiha kartaun elitoral. Resenseamento eleitoral dala ida deit, aktualizasaun baze de dadus ita halo tinan-tinan i kartaun eleitoral mos sai hanesan identidade Timor-Leste. Tanba nee mak ba Timor oan tomak, lakleur tan STAE sei loke fila fali autorizasaun ba eleitor sira atu troka kartaun eleitor sira sidadaun Timor-Leste tomak.
Neduni, sei aviza ba povu tomak atu hakbesik-án ba sentru autorizasaun de baze de dadus para hetan kartaun eleitor foun. Ba funsionárius estadu sira nebe profisional ba eleisoens tenki prontu atu responde kualker pedidus estadu ka governo, ou órgaun soberânia sira atu bele fo assistênsia ba ema sira nebe ukun rai ida nee.
Sr. Tomás Cabral mos husu ba funsionárius STAE tomak tenki prontu mos ajuda líder komunitária sira kuandu sira presiza baze de informasaun. "Ami prontu atu fo assistênsia ba kualker sê deit nebe hakarak atu koopera hamutuk ho ami, i ami mos sei fó-an tomak atu serbisu ba estado ho governo Timor-Leste", nia afirma.

KALENDARIU SEREMONIA KOMPROMISU BA PAZ NO UNIDADE

2009-09-21T19:10:00.000-07:00

Iha loron 9 Fulan- Outobru 2009, eleitor sira husi nasaun doben ne’e, dala ida tan, sei hakat ba fatin votasaun ida-idak hodi fo sira nia votu hodi hili sira nia lideransa komunitaria iha suku ida-idak.

Tuir lei No. 3/2009, lista kandidatura sei kontesta hamutuk ho sira nia programa durante iha periudu kampanha eleitoral ne’ebe sei halo iha loron hitu nia laran, 30 Setembru to’o 6 Outobru no remata iha oras ha’atnulu –resin –ualu molok tama ba loron votasaun, 9 Outobru. Pontu 2 husi artigu 24 lei 3/2009 hatur katak CNE tenki asegura reispeitu ba prinsipiu sira ba kampanha eleitoral hanesan liberdade, proibisaun ba vinkulasaun kandidatura sira ba partidu politiku sira, igualdade oprutunidades, imparsialidade no transparensia, aleinde hola medidas sira ne’ebe nesesariu hodi fanun ba enkoraja lala’ok kampanha eleitoral ida mak pasifiku.

Iha Kontestu ne’e hahu husi loron 22 too loron 28 Fulan-Stembru 2009, CNE sei halo iha distritu sira hotu seremonia kompromisu ba paz no unidade.

Seremonia kompromisu ba Paz no Unidade sira ne’e ho objetivu prinsipal hanesan : Primeiru, buka fo biban ba kandidatura sira atu asina Termo de Compromisso hosi haktadan sira nia maktuir eh aderensia ba kodigu konduta ba kampanha eleitoral no lei no regulamentu ba sira seluk ne’ebe mak regula prosesu eleitoral; Segundu, CNE sei apela ba konkorente sira atu bele aprezenta sira ida-idak ninia kalendariu ba kampanha eleitoral atu hodi permiti CNE bele halo mediasaun ba kazu koinsidensia sira iha fatin no oras ba atividade kampanha nian; no Terseiru, CNE sei aproveita biban ne’e hodi asegura kanalizasaun ba fundu (subsidiu) mak estadu Timor-Leste, liuhusi IV Governo Konstitusional, kompromete atu subsidia ba atividade kampanha eleitoral, inklui mos prosedimentu aira atu hodi justifika uzu subsidiu ne’e.

Iha seremonia ne’e, lista kandidatura ida-idak sei reprezenta husi kandiatu xefe suku efetivu ene’ebe mak enkabesa lista kandidatura no ninia testimunha ida mai husi membru sira mak kontein iha lista. Seremonia ne’e sei hetan kolaborasaun husi autoridade administrativa sira husi orgaun publika no seguransa sira iha nivel distritu nune’e mos husi reprezentante husi partidu politiku sira, husi igereja no husi Organizasaun Nao Governementais.

Seremonia sira ne’e sei halao tuir kalendario hanesan tuir mai ne’e :

Distritu Viqueque, loron 22 Setembru 2009, responsavel Komomisariu Martinho Gusmao
Distritu Manufahi, loron 22 Setembru 2009, responsavel Komisariu Tome Xavier Geronimo
Distritu Ermera, loron 23 Setembru 2009, responsavel Komisaria Terezinha Noronha Cardoso
Distritu Lautem, loron 23 Setembru 2009, responsavel Komisariu Sergio de Jesus Hornai
Distritu Aileu, loron 24 Setembru 2009, responsavel Komisariu Jose Agustinho da Costa Belo.
Distritu Ainaro, loron 25 Setembru 2009, responsavel Komisaria Manuela Leong Pereira
Distritu Bobonaro, loron 25 Setembru 2009, responsavel Komisariu Deolindo dos Santos.
Distritu Manatuto, loron 25 Setembru 2009, responsavel Komisaria Joana Maria Dulce Vitor.
Distritu Baucau, loron 26 Setembru 2009, responsavel Komisariu Lucas Sousa
Distritu Covalima, loron 26 Setembru 2009, responsavel Komisariu Silvester Xavier Sufa
Distritu Liquica, loron 26 Setembru 2009, responsavel Komisariu Vicente Fernandes e Brito.
Distritu Oecusse, loron 28 Setembru 2009, responsavel Komisariu Arif Abdullah Sagram.
Distritu Dili, loron 28 Setembru 2009, responsavel Komisaria Maria Angelina L. Sarmento.

Komisariu/a sira responsavel ba distritu ida-idak sei komunika opurtunamente kona-ba fatin no oras ezekta kona-ba realizasaun seremonia iha distrituida-idak.

CNE haruka ona karta ofisial ba orgaun soberano sira, ba administrador distritu sira, ba PNTL sira iha distritu no nacional, husu suporta lala’ok seremonia ne’e. CNE haruka mos karta hamutuk ho kalendariu ba media sira, liu-liu media publiku nian-TVTL no RTL atu bele halao kobertura publisidade ba eventu ne’e.

Programa Seremonia “ PAZ no UNIDADE” ba Eleisaun Lideransa Komunitaria

Registu partisipante sira
Lia Makloken no benvindo ba partisipantes sira
Orasaun
Hananu Hino Nacional
Mensagem husi Presidente CNE
Liafuan badak husi Komandante PNTL
Liafuan badak husi Administrador Distritu
Leitura kolectiva kona-ba Tremus Kompromisso ba Paz no Unidade husi kandidatu sira
Kanalizasaun no esplikasaun kona-ba apoio fundu (subsidiu) husi Estadu ba Lista Kandidatura sira
Almosu
Pagamentu de Transporte
Ercerramentu

Obrigadu barak

Preisdente CNE

DR. Faustino Cardoso Gomes. Msi

Feto nain 5 Nudar Chefi pakote Prepara an ba Eleisaun Suku 2009 iha Distrito Oecusse

2009-09-17T23:59:00.000-07:00

www. oecusseenclave.blogspot.com / 10 September, 2009

Direktora Centro Feto Enclave Oecusse ( CFEO ), Sebastiana da Costa Pereira hateten, tuir dadus provisoriu ne’ebe sira halo monitorizasaun durante prosesu Encontru Comunitaria nebe halao iha Suku 18 iha Distrito Oecusse hatudu katak iha Feto Nduar Chefi pakote mak kandidataan atu compete hamutuk ho Chefi pakote mane sira seluk husi total hamutuk pakote 83 iha Distrito Oecusse.

“ Sira pronto ona, tamba ne’e mak sira hetan akompanhamentu husi Ami CFEO atu bele asegura katak sira nia prosesu kandidataan iha Orariu STAE nian nee lao ho lahetan diskriminasaun. Hatutan Direktora nee.

Nee. Direktora CFEO, nia informa ba Blog spot nee iha nia edifisiu CFEO Palaban, wainhira remata prosesu monitoramentu ba encontru nivel komunitaria no loron 3 depois halao analisa dadus husi monitoramentu nian iha prosesu hatama lista pakote ba STAE iha Edifisiu STAE distrito Oecusse.

Prosesu Submite Pakote atu compete ba eleisaun Suku 2009 iha Distrito Oecusse tuir nia hare katak laiha diskriminasaun ba feto kompara ho mane, maski nune, numeru partisipasaun Feto sei menus nafatin kompara ho Prosesu kandidataan iha tinan 4 liu ba eleisaun permeiru nian.

CFEO Nota katak husi pakote hamutuk 83 iha pakote mayoria chefia husi mane sira no Feto nebe sai nudar chefi ba Pakote nee iha percentagem nebe sei kiik nafatin. Husi numeru total pakote 83 nee iha deit pakote nain 5 ou 6 mak nia monitora chefia husi Feto , nebee tuir lolos sei analisa no finalisa tan husi STAE ba publiku tomak.

Maski nunee, nia fiar katak Feto nudar chefi pakote ba Kandidataan signifika katak sira kandidataan nudar Chefi Suku ba eleisaun Suku 2009. ida nee passu signifikante nebe boot, tamba kompara ho eleisaun suku 2004 tinan haat liu ba , Feto sira iha Nivel lokal, ladauk iha kbiit atu compete hamutuk ho mane sira iha eleisaun, sira prefere liu kandidataan ba posisaun nebe fo ona ba sira hanesan liu feto rua, feto joven. Tamba nee tuir CFEO nia hare, komundade iha transformasaun social nebe hahu muda nebe hatudu ho konfiansa husi feto sira kandidata sira nia aan ba eleisaun suku nee.

CFEO hola parte iha monitoramentu ba Preparasaun Feto iha prosesu eleisaun Suku 2009 hanesan parte husi Projektu Hasae Funsaun feto sira nian iha Prosesu Hari nasaun no Rekontruksaun Nasaun hafoin Konflitu nebe parte programa Boot UNIFEM iha TIMOR LESTE nian ba programa Feto iha Politika. Projektu nee hetan tulun Financeiru husi UNIFEM no UNDEF no exekuta husi CFEO ho supervisiona husi REDE FETO Timor Leste.

Ba oin, Direktora nee espera katak prosesu Edukasaun Votantes no Kalendariu Kampanha ba Kandidatu sira tomak sei fo sensitizasaun ba feto mos atu nune sira nudar feto laiha impede ruma ba prepara sira nia aan diak liu tan hasoru eleisaun iha nivel suku fulan Outubru oinmai.

Alende nee” Joana Bobo Tanu, nebe apresenta nia pakote iha Suku Bobometu husi Parte Oesilo nian hateten katak, nia aan sente hetan tulun no kbiit husi nia komundade rasik no mos nia familia tamba nee nia mos tau metin nia fuan katak nia compete ho mane sira seluk nebe hatama husi Suku Bobometo nian ba eleisaun periode nee ho fiar katak nia mos sei hetan Vitoria.

Iha sorin seluk, Chefi Gabineti Sekretariu estadu Regiaun Otonomia Oecusse, Zeferino da Cruz Salu iha nia lia menon ba feto sira durante loke Aktifidades seluk ba preparasaun feto sira hanesan kandidataan ba eleisaun suku iha Distrito Oecusse, hateten katak, komunidade iha direitu atu fiar ba feto no mane hanesan tamba nee nia espera organisazaun feto sira tengki tulun feto iha nivel rurais sira atu compete aan no lahetan diskriminasaun ruma antes, no durante halao prosesu eleitoral tuir kalendariu STAE nian iha distrito Oecusse.

Tuir Leopoldinu Pui, Koordenador regional STAE Oecusse, katak Elesisaun Suku 2009 nebe sei tuir planu halao iha Fulan Outubru ne’e sei kuntinua monitoriza husi parte hotu inklui Sosiedade Sivil hanesan NGO sira seluk maibe tengki hatoo informasaun ba STAE atu nune bele hetan akreditasaun.

Iha oin mai CFEO mos se fornese treinamentu antes ba kandidaturas sira feto no mane iha Fulan nee nia laran.

Eleisaun Suku, Eleitor ida sei simu 0.25 cent ba Pakote Kandidatura Nian

2009-09-17T23:55:00.000-07:00

Written by Domingos da Silva
Thursday, 17 September 2009
CJITL flash, Komisariu Nasional Eleisaun (CNE), Faustino Cardoso hateten Estadu Timor Leste perpara ona orsamentu hamutuk $. 147.000 ba pakote kandidatu chefi suku sira iha teritoriu tomak. Tanba ne’e pakote kandidatura ne’ebe hetan votus barak sei simu subsidiu boot husi estadu ka governu. “Estadu sei fo apoiu subsidiu orsamentu ba lista kandidatu ida-idak, to'o ohin loron governu disidi katak eleitor ida husi suku ida sei hetan osan $.25 Cent. Tuir eleitor iha suku ida-idak, signifika katak se iha suku ida iha eleitor 1000 mak suku ida sei hetan apoiu husi estadu hamutuk $250 dollar”, dehan Fausto hafoin hasoru malu ho Prezidenti Republika Jose Ramos Horta iha Palasiu Prezidenti Nicolau Lobato Aitrak Laran – Dili, Kuarta, (16/09/09) Faustino mos informa orsamentu ne’e sei aloka direitamente ba kada suku ida-idak husi total suku 442 iha Timor Leste tomak. Nia kestiona ba prezidenti kona ba defikuldades ne’ebe membru ka brigada CNE sira infreta durante halo edukasaun sivika iha distritu tamba brigada balun sai moras hotu. “Komisariu CNE sira nebe mak hetan difikuldades barak wainhira halao edukasaun sivika sai ba distritu-distritu balun hetan moras, tanba ba mai iha distritu durante fulan hira nia laran atu halo edukasaun sivika (dsc/cjitl)

Eleisaun Xefi Suku, Oekusi Juara I ho Pakote Feto Nian

2009-09-17T23:49:00.000-07:00

Written by Tomas Sanches / CJITL
Thursday, 17 September 2009
CJITL flash, Xefi Departementu Administrasaun Finansa no Logistika STAE, Manuel Branco hateten total pakote kandidatu ne’ebe sei kompete iha eleisaun xefi suku loron 09 fulan Outubru hamutuk 1208 ne’ebe kompostu pakote kandidatu feto 24 no pakote kandidatu mane hamutuk 1166. Husi total ne'e Distritu Oekusi hetan Ranking Primeiru ho pakote kandidatura feto hamutuk 6. Nia dehan dadaun ne’e STAE preparadu ona atu hala’o sira nia knaar iha eleisaun xefi komunitaria ne’e. “Ami prontu ona atu halo ami nia knar no ami mos prepara dadauk ona atu halo formasaun ba Brigada no Poling Staff sira atu nune’e sira bele hatene saida mak sira atu halo iha elisaun xefi suku nia laran. Buletin votus print dadaun ona no ami sei produs tuir eleitoral maibe ami sei halo liu atu prevene keta lato’o karik”, dehan Manuel Branco, Caicoli, Dili, Kuarta feira, 16/09/09. Tuir pakote lista kandidatura ne’ebe CJITL hetan katak distritu Ermera hetan pakote kandidtura boot liu husi distritu sanolu resin tolu sira seluk. Pakote kandidatura husi distritu Ermera hamutuk 153 husi total suku 52. ne’ebe pakote kandiadtu feto hamutuk 4 no mane hamutuk 149. Lista kompletu pakote kandidatura mak tuir mai ne’e, Distritu Aileu, total suku 31, Baucau total suku 59 Bobonaro total suku 50, Cova Lima total suku 30, Dili total suku 31, Ermera total suku 52, Lautem total suku 34, Liquisa total suku 23, Manatuto total suku 29, Manu Fahi total suku 29, Oekusi total suku 18, Viqueque total suku 35. Ne’e duni total suku iha TL hamutuk 442, total lista pakote 1208, total pakote ba feto 42 no total pakote ba mane hamutuk 1166. Husi Pakote Kandidatura Feto, Distritu Oekusi mak Juara I ho kandidatu Feto barak liu (Pakote 6). (ts/cjitl)

SAIDA MAK LIDERANSA KOMUNITARIA

2009-09-17T23:43:00.000-07:00

Lideransa komuntaria nudar koletivu ida ne’ebe ho objective atu organiza kona-ba partisipasaun komunidade nian hodi oinsa bele resolve sira-nia problema sira haree ba sira nia interese no repressenta nafatin sira bainhira prezira. Lideransa komutaria kompostu husi Xefe Suku, Konsellu Suku no Xefe Aldeia. Sira ne’e la halo parte iha administrasaun publiku no sira nia desizaun la bele obriga estadu.

Xefe Suku mak lider komunitaria ne’ebe hili atu diriji atividade sira ne’ebe halao husi komunidade iha suku ida, iha area sira ne’ebe maka konkorre kona-ba konsilidasaun unidade nasional hodi bele produz bens no serbisu ho hanoin atu satisfas nesesidade bazika sira moris nia no dezenvolvimentu ho koordenasaun ne’ebe besik liu ho KOnselhu de Suku.

Konselhu de Suku ne’e nudar orgaun kolektivu no konsultivu suku nian, destinadu atu tulun no fo konselhhu ba chefe de suku hodi halao ninia knar sira no nia sei serbisu ba interese komunidade local no laiha prejuizu ba interese nasional sira.

Konselhu de suku kompostu husi Xefe de Suku, Xefe aldeia hotu, representante feto (2), representante jovens feto, representante jovens mane, ferik-katuas (1) no lia nain (1)

Atividade Xefe Suku sira inklui KOnselhu de Sucu bele dezenvolve iha area sira hanesan pas no armonia social, resenseamentu no rejistu populasaun nian, edukasaun civika, promousaun kona-ba dalen ofisial sira, dezenvolve ekonomiku, seguransa alimentar, proteksaun meiu ambiente, edukasaun kultura no desportu inklui tulun hodi halo manutensaun ba infra-estrutura social hanesan abitasaun, eskola, postu saude, kee be’e matan, Estrada no komunikasaun sira.

TRANSFORMASAUN LIDERANSA POLITIKA NO KOMUNIDADE

2009-09-17T23:40:00.000-07:00

Projeitu UNDEF hanesan projeitu bo’ot ida agora dadaun Sekretariadu Rede Feto implementa serbisu hamutuk ho membru nain 4 hanesan Prontu Atu Serbi (PAS), Groupu Feto Foinsae Timor Leste (GFFTL), Santa Bakhita nomos Centru Feto Oecusse (CFEO). Projeitu ne’e halao ho objetivu atu hametin feto nia funsaun atu bele prepara kuantidade no kualidade sira nia lideransa iha nivel suku liu husi advokasia ba Lei Eleitoral Lokal ne’ebe responsabel ba jeneru. Hanesan kontinuasaun husi Programa Atu Hametin Lideransa Feto Rural sira nian no Partisipasaun hodi hari nasaun Timor Leste (PERWL) iha tinan 2004-2007, projeitu ne’e mos sei apoio dezenvolve kapasidade ba kandidata potensial nomos promousaun ba plataforma politika ne’ebe responsabel ba jeneru durante kampanha Eleisaun Lideransa Komunitaria iha tinan 2009. Baseia ba resultadu Eleisaun Lokal tinan 2004-2005 maski feto maluk sira hetan kampanha ba posisaun hanesan xefi suku, xefi aldeia nomos ba representante ba Konselhu Suku maibe feto nain 7 eleitu hanesan xefi suku (7) no feto nain 22 eleitu hanesan xefi aldeia (22). Maizemenus feto liu-nain 1300 eleitadu hanesan membru Konselhu Suku nian.

Depois Rede Feto asina akondu ho United Nations Democration Fund (UNDEF) no UNIFEM iha fulan Outobru 2008, projeitu ne’e komesa organiza estrututa no hili koordenador projeitu inklui mos halao konsilidasaun ho membru nain 4 ne’ebe tama ba projeitu ne’e.

Iha fulan Fevereiru 2009, Projeitu UNDEF halao ona orientasaun projeitu ba sira nia ekipa hanesan koordenadora projeitu, admin no financas assistan, organizasaun membru nain 4. Orientasaun ne’e ho objectivu atu bele asegura katak membrus projeito bele komprendre no artikulasi ba projeitu parseiru iha nivel hotu-hotu nomos bele klaritifa sira nia knar respektiva no responsabel komitmentu ba sira nia an rasik atu bele realiza projeitu no formula planu serbisu. Orientasaun ida ne’e mos halao ba direitora husi distritu 4, UNIFEM no Sekretariadu Rede Feto.

Iha fulan Marsu 2009, equipa projeitu fo orientasaun ba sira nia equipa iha distritu 4 hanesan Ermera, Oecusse, Lautem no Viqueque. Durante orientasaun ne’e, partisipante sira hetan informasaun oinsa lider lokal sira bele konese ho programa ida ne’e hodi bele implementa iha sira nia distritu. Prosesu orientasaun ne’e hetan partisipasaun maka’as husi membru governo lokal, NGO lokal no internasional, representative feto partidus politikus, Chefe de Suco, Konselhu de Suco, feto polisia, ingreja no media sira.

Iha nivel nasional, projeitu ida ne’e mos halao lobby no diskusaun ba SEPI no FONGTIL hodi bele kria serbisu hamutuk ba projeitu ne’e. Sira mos halao lobby ba Groupu Feto Parlamentar (GMPTL) oinsa atu bele simu resultadu rekomendasaun husi analizasaun lei kona-ba lider komuntaria, lei eleisaun suco no municipal.

Iha distritu 4 sai fatin implementa projeitu, equipa projeitu halao ona atividade atu kandidata sira bele konese plataforma politika ne’ebe responsive ba jeneru liu husi workshop, treinamentu ba TOT fasilitator distritu, treinamentu ba feto potensial. Sira mos la haluha halao kolaborasaun ho media no groupu feto sira, feto iha partidus politikus, ngo’s lokal/international iha ne’eba.

Distritu Oecusse

CFEO (Centro Feto Enclave Oecusse) hanesan membru ba projeitu UNDEF durante loron 3 komesa dia 15- 17 Julhu 2009 implementa treinamentu TRANSFORMASAUN LIDERANSA POLITIKA NO KOMUNIDADE”. ba feto potensial sira. Treinamentu ida ne’e partisipa husi 57 feto potensial hetan observa husi Sra Maria de Fatima hansan reprezentante Sekertaria Estadu promosaun Igualidade. Treinamentu loron 3 ne’e loke abertura husi Sr. Jeverino Salu hanesan Chefe Cabineti Sekertaris Estadu Regiao Outonomo Oecusse (SERAO). Durante nia deskursu, Sr. Jeverino Salu haforsa liu-tan partisipasaun feto iha vida politika hanesan pasu ida oinsa feto atu sai hanesan lideransa. Nia mos akresenta liu-tan katak sai lideransa ne’ebe diak tenki mos sai hanesan inan no aman ba povu ne’ebe nia representa

Distritu Ermera

Organizasaun Santa Bakhita nudar membru projeitu UNDEF nian durante loron ida halao enkontru publiku ho feto potensial sira ho objektivu atu fo korajem ba feto potensial sira bele kandidata-an be Xefe Suku no Konselhu Suku. Atividade ne’e halao iha dia 27 fulan Julhu 2009 hetan partisipasun diak husi ema nain 40 inklui autoridade lokal sira. Enkontru ne’e rasik loke abertura husi Administrator Distritu Ermera akompanhadu husi representante SEPI, Rede Feto no UNIFEM. Durante nia deskursu, Administrator Ermera hateten katak iha tempo badak feto sira sei hola parte iha Eleisaun Xefe Suku no Konselhu Suku. Nia mos hatutan katak sei karik eleisaun ne’e hotu, Rede Feto tenke organiza tan treinamentu ba lideransa tranformativa hodi nune’e bele kompriende diak liu-tan oinsa sai lideransa ne’ebe diak. Antes enkontru ne’e, iha dia 1 fulan Julhu 2009, organizasaun Santa Bakhita mos halao enkontru ho Administrador Distritu nomos Gender Vokal Point sira atu bele serbisu hamutuk kona-ba preparasaun lideransa feto sira iha Distritu Ermera. Aleinde ne’e, sira mos halao obvervasaun ba edukasaun votantes ne’ebe halao iha nivel suku.

Distritu Viqueque

Iha fulan Junhu 2009, Groupu Feto Foinsae Timor Leste (GFFTL) hanesan mos membru husi projeitu UNDEF halao ona treinamentu ba dala premeiru atu bele kapasita feto potensial iha distritu Viqueque. Iha treinamentu ida ne’e partisipa husi 43 feto potensial husi targetu feto nain 100, tamba ne’e iha fulan Agostu 2009 GFFTL organiza treinamentu segundu atu bele kompleta numeru ne’ebe sai targetu. Treinamentu etapa II ne’e halao durante loron 3 hahu 18 – 20 Agostu 2009 iha Salaun Madre – Beloi, Distritu Viqueque.

Treinamentu ne’e rasik loke abertura husi Administrador Sub Distritu Viqueque Vila, Juvinal Mascarinhas nomos hetan partisipasaun husi kandidatu feto potensial nain 37 inklui mos fasilitador nain 8. Durante halao treinamentu, fasilitador nasional no distrital hatoo material kona-ba CEDAW no sistema pakote ne’ebe usa iha Eleisaun Lideransa Komunitarian 2009. Atu bele habelar informasaun ba komunidade iha ditritu Viqueque, GFTTL mos serbisu hamutuk ho Radio Komunidade Povo Viqueque.

Distritu Lautem

Atu bele kria balansu iha igualdade jeneru nian iha aspeitu politika, organizasaun feto membru projeitu UNDEF hanaran Prontu Atu Serbi (PAS) halao atividade treinamentu hodi prepara feto potensial sira iha distritu Lautem bele konkore iha Eleisaun Suku iha 2009. Antes halao treinamentu, komesa loron 13 too 30 fulan Junhu organizasaun PAS halo ona assementu ida ba feto potensial husi sub-distritu Iliomar, Tutuala, Lautem no Los Palos. Durante prosesu ne’e, sira hasoru direita ho Xefe Suku, Xefe Aldeia nomos Konselhu Suku sira hodi fo konesementu kona-ba projeitu ne’e. PAS mos halao assesmentu ba mane potensial sira iha suku 43 iha distritu Lautem. Iha dia 19 Agostu 2009, PAS organiza seminar ida atu bele habelar informasaun kona-ba lei eleitoral no artigus ne’ebe bele promove direitu feto nian. Seminar loron ida ne’e mos hetan partisipasaun husi genden vokal point distritu, CNE, UNV no partisipante seluk.***

INVESTE BA FETO, INVESTE DIAK BA FUTURU

2009-09-17T23:30:00.000-07:00

Area politika hanesan area ida ne’ebe dominante husi mane sira maibe ida ne’e laos razaun no taka dalan ba feto maluk sira involve iha laran. Situasaun politiku global hatudu ona katak feto bele kaer posisaun oin-oin hanesan mane sira, iha area ekonomiku, saude, politika no seluk tan. Maski feto barak hatudu ona sira nia kapasidade hanesan mane sira maibe ita la bele nega problema kiak, hamlaha no nao edukasaun sei sai infrenta boot ba feto iha mundu tomak. Feto barak sei sai vitima husi asalta seksual hanesan estratejia ida atu bele hamanan funu, feto mos sai vitima husi trafiku humanu ne’ebe fo benifisiu makaas ba ema ne’ebe involve iha laran. Praktika hira ne’e sei lao nafatin iha nasaun barak no hatun dignidade feto nian hanesan iha nasaun Afganistaun. Iha ne’eba feto seidauk bele goza sira nia direitu atu hetan edukasaun diak tamba bainhira feto hakarak ba eskola sempre hetan amiasa husi groupu deskonesidu. Maibe faktus ida ne’e mos hatete mai ita katak feto tenke ba oin maski tenke hasoru obstaklu barak ho aten brani no komitmentu makaas.

Agora dadaun mundu sei hasoru problema boot ida no susar atu bele resolve. Problema krizi ekonomiku global no problema seluk hanesan terorismu, bomba nuklir, funu regional, mudansa iklimatika no moras oin-oin sai hanesan amesa ida ba ita nia komunidade. Iha krizi ekonomia hanesan agora, ita mos tenke hanoin katak apoio ba feto hanesan investe diak ba ita nia futuru. Tamba saida? Tamba se ita fo apoio ba feto bele maka ita bele lori mudansa iha ekonomia nomos kondisaun sosiedade bele metin liu-tan. Investe ba feto hanesan dalan ida atu suporta futuru jerasaun. Feto barak serbisu iha sektor agrikultura, sai agrikultor nomos sai negosiante ba faan produtu lokal. Maibe kompara ho mane, osan ne’ebe feto maluk sira hetan gasta barak liu ba hahan familia, saude no edukasaun ba labarik sira. Tamba ne’e feto hanesan rekursu humanu ida iha prosesu dezenvolvimentu nomos bele kria dame no estabilidade ne’ebe diak liu. Iha area konflitu sira, feto sai agente ida atu bele halao mediasaun atu bele hetan dame no unidade.

Hanesan agente ba dezenvolvimentu, feto mos presiza kondisaun diak atu bele kapasita sira nia kapasidade iha area hotu inklui mos iha area politika. Maski kompete iha area ida ne’e susar ba feto maibe tenke fo opurtunidade ba sira involve iha laran hanesan involve iha eleisaun lideransa komunitaria. Maski problema barak hasoru feto sira ne’ebe hakarak kompete iha eleisaun ne’e hanesan orsamentu no kapasidade maibe ida ne’e laos obstaklu ba sira atu bele involve iha politika. Maibe se estratejiku atu bele lori feto sai lideransa politiku ne’e bele hetan hasil diak maka benifisiu barak feto no apoiante sira bele hetan. Bainhira kandidata feto sira tuur iha posisaun estrategiku iha area politika maka sira bele halo politika ne’ebe sensitivu ba jeneru por ezemplu alokasaun orsamentu ba interese feto bele aumenta, problema feto barak bele akomoda no buka solusaun, combate korupsaun,. Impaktu seluk ba ekonomia tamba se feto barak tuur iha Parlamentu bele fo imagen diak ida ba negosiante sira iha nivel medium ba kraik ne’ebe maioria feto. Iha mos benifisiu seluk tamba sira mos bele lori dame ba ita nia nasaun tamba feto sempre resolve problema ho dalan dame. Tamba ne’e vota ba feto hanesan ita nia lideransa hanesan desisaun ida la iha risku. Risku boot liu husi hili feto sai hanesan ita nia lideransa maka ita bele goza ita nia direitu ho dame.

Ohin, laos tempo ba feto sai deit figura ou kosmetika husi mane sira. Laos tempo ona ba feto fo deit konsentrasaun ba serbisu hanesan haree labarik, serbisu iha dapur, no atividade domestika seluk. Kultural patriakal kesi metin posisaun feto iha fatin hanesan ne’e, la iha mudansa, la iha igualdade. Agora tempo too ona, feto mos iha direitu hanesan sidadun Timor Leste ida, tamba ne mai ita tau posisaun feto iha fatin diak ida tamba sira mos bele.

Ami esperansa katak liu husi partisipasaun feto iha eleisaun Lideransa Komunitaria 2009, feto bele kontinua sira nia luta atu bele hetan igualdade nomos bele hatudu sira nia kapasidade atu bele lideransa maski iha nivel komunitaria. Ami espera katak feto eleitadu sira sei lori ita nia komunidade avansa ba oin no aumenta programa iha nivel suku liu-liu bele implementa programa ne’ebe sensive ba jeneru. Maski sai Xefe Sucu no Konselhu de Suku hanesan posisaun kiik iha Governo Lokal maibe ida ne’e hanesan prosesu ida feto tenke partisipa makaas no aprendre saida mak lideransa no saida mak politika para iha prosesu oin mai bele mosu feto lideransa seluk ho kapasidade boot atu bele ukun povo timor leste ho boa governasaun, responsibilidade no komitmentu boot atu bele lori futuru diak ba votantes sira.

Mai ita apoia feto kandidata sira ho dalan tuu sira dia 9 Outobru 2009
Vota Ba Feto, Investe Diak Ba Futuru ***

LA PASA APRESENTASAUN KANDIDATURAS TAMBA FALTA INFORMASAUN

2009-09-09T22:14:00.001-07:00

Prosesu Eleisaun Lideransa Komunitaria lao dadaun ona. Maski hetan problema barak prosesu ne’e lao nafatin tuir kalendario ne’ebe iha. CNE rasik nudar orgaun ida ne’ebe tau matan ba prosesu ne’e mos serbisu makas atu bele supervisa prosesu hirak ne’e iha tetitorial Timor tomak atu sidadaun hotu hotu bele hetan no partisipa usa sira nia direitu atu hili sira nia lideransa iha sira nia komunidade. Sra. Angelita Sarmeto nudar mos Comisaun CNE mos haree problema barak durante prosesu ne’e. Durante workshop kona-ba eleisaun nia esplika prosesu eleisaun ne’e no problema saida mak mosu iha laran.

Baseia ba kalendario STAE nian, husi 22 too 27 Agostu 2009 ne’e hanesan tempo ba apresentasaun kandidaturas liu-liu ba suku ida-idak kandidata atu sira bele hatama sira nia lista kandidatura tuir pakote ne’ebe tuir lei ne’e tenki mai husi kandidata Xefe Suku, Xefe Aldeia kompostus husi aldeia ninian, kandidata ba Konselhu Suku ninian kompostu husi representante feto 2, joven feto 1 , joven mane 1 no ansiaun 1. Iha prosesu ida ne’e ami CNE nia kna’ar hanesan tau matan deit ba prosesu sira ne’e para atu garantia katak apresentasaun kandidaturas ne’e tuir lei numeru 3/2009 no regulamentu kona-ba Apresentasaun Kandidaturas ne’ebe CNE aprova.

Iha apresentasaun kandidaturas maka ami halao supervisaun katak maioria prosesu ne’e lao ho diak maibe iha frekeza balun husi parte STAE ninian. Premeiru iha apresentasaun lista kandidatura ne’e pakote sira ne’ebe apresenta husi Xefe Suku aktual (Xefe Suku agora) maioria sira nia kriteria mai kompleta kedas. Jadi too data 22 Agostu, sira hatama sira nia kandidatura depois STAE halao verifikasaun no iha data 22 lokraik lista ida ne’e aseita ona. Mas, pakote sira seluk ne’ebe mai husi kandidatu laos husi Xefe Suku aktual, sira ne’e hetan problema boot atu bele kompleta sira nia lista. Husi ida ne’e ami bele haree katak STAE ninia pendekatan ba edukasaun votantes ba apresentasaun kandidatura la masimu, tamba sira la fahe direitamente informasaun konaba prosesu apresentasaun kandidatura ba komunidade iha aldeia aldeia. Sira fo deit informasaun hirak ne’e ba Xefe Suku aktual sira no hatete katak, “Xefe Suku sira, imi ba deit iha imi nia Xefe Aldeia ida-idak, favor hatete ba sira katak iha data 22 too 27 Agostu 2009 hanesan tempo ba apresentasaun kandidaturas”.

Agora ita tenke hatene katak Xefe Suku agora dadaun ne’e mos iha intereste iha eleisaun ida ne’e. Tidak mungkin sira atu ba hatete ba Xefe Aldeia ida-idak. Tamba ne’e Xefe Suku aktual sira bele halao kompleta sira nia lista kandidatura iha loron ida deit tamba sira bele book lalais no ho unsur kesengajaan nia lakohi hatete ba kandidatu sira seluk hanesan ami nia esperiensia iha apresentasaun lista iha Suku Bairopite no suku sira seluk. Iha ne’eba kuaze kandidatu nain 4 ami rejeita tamba sira nia pakote la kompletu. Ida ne’e mosu tamba kandidatu sira ne’e la simu informasaun prosesu ne’e. Por ezemplu, iha Suku Comoro ho total populasaun 20.000 maibe pakote nain 5 mak mai no pasa tamba sira nia Xefe Suku hakarak duni vontade lao ba aldeia ida-idak atu bele fo informasaun ba prosesu apresentasaun. Mas Xefe Suku balu la iha vontade diak ida, sira dehan diak-liu lalika fo hatene para sira mesak mak kandidatu uniku. Tamba ne’e ami dehan STAE nia serbisu la maksimu. Tuir data mak iha kandidatu uniku iha Timor laran tomak ho total 48 suku husi 442 suku.

Buat seluk maka STAE nia formasaun ba Brigada sira kona-ba pemahaman lei ladun masimu tamba tuir dadus entre Brigada ida ba Brigada seluk fo informasaun la hanesan ba komunidade sira. Por ezemplu, hanesan informasaun ne’ebe publika iha Journal Replublika hateten katak iha data 22 – 27 Agostu 2009 sira tau A. Enkontru komunitaria B. Hasai photographia ba kandidatura sira, mas iha ne’eba la esplika klaru katak iha data 22 too 24 – doze meia ne’e so para simu deit lista kandidatura no iha dia 24 too 27 para hasai photo kandidatura. Sira la esplika ida ne’e, sira halao fali regulamentu tehniku ida ne’ebe fo ba komisariu ida-ida kada distritu ma asina ne’ebe esplika katak kandidatu sira ne’e hatama lista husi dia 22 too 24 – doze meia depois iha dia 24 oo 27 Agostu ba hasai photographia. Entau ema barak konfusaun iha ne’e, por ezemplu iha dia 22 Agostu sira hatama sira nia lista pakote maibe kriteria ne’e seidauk kompletu (balun lista suplentes sei falta, balun ansiaun la too tinan 60) entaun STAE presiza fo fila fali lista ida ne’e para pakote ida ne’e halao kompleta,

Mas saida mak akontese bainhira sira fo fila fali lista kandidatura ne’e? Tuir lolos lista kandidatura seidauk kompleta ne’e tenke sai priodade ba STAE too dia 27 Agostu, agora komprensaun Brigada sira hanoin katak maski kandidatu sira mai iha dia 22 Agostu maibe too dia 24-Doze meia sira nia lista la kompletu maka lista hirak ne’e la pasa (rejeita). Tuir Lolos laos hanesan ne’e, kandidatu sira iha dia 22 too 24 – Doze meia mai ona para atu halao apresentasaun maibe la kompleta nafatin sai priodade atu sira bele halao kompleta too dia 27 Agostu 2009. Tamba tuir lei, sira iha direitu 48 oras atu bele halao kompleta lista ne’e. Problema hanesan ne’e mos sai razaun ida tamba saida mak kandidatu uniku mosu iha suku barak.

Ida seluk, Ami foin aprova regulamentu kona-ba apresentasaun kandidatura semana rua ka tolu antes halao apresentasaun kandidaturas. Tuir realidade, STAE halao ona formasaun treinamentu ba Brigada sira antes regulamentu ne’e aprova. Formulario hanesan formulario deklarasaun, akta, lista prezensa, formulario apoiantes sira mos seidauk aprova bainhira husi CNE. STAE rasik foin hatoo formulario hirak ne’e semana ida antes Brigada sira tun ba lapangan atu halao sira nia serbisu. Entaun la iha dalan ba ami atu hadia no halao alterasaun ba formulario ida ne’e tamba treinamentu halao ona.

Prosesu hirak ne’e husi ami nia haree hanesan unsur kesengajaan husi STAE tamba tuir lolos lei 3/2009 hateten katak bainhira lei numeru 3/2009 aprova no promulga, durante loron 60 fo opurtunidade ba STAE atu haruka hotu regulamentu sira ne’ebe CNE tenki aprova atu bele fasilita Brigada sira halao sira nia serbisu. Maibe saida mak akontese? Treinamentu lao ona, Brigada tun onaa ba lapangan foin haruka regulamentu ba CNE atu bele aprova. Tamba ne’e, Ami atu halao mudansa la bele ona, buat hotu-hotu setting ona entaun ami la bele halao mudansa. Tuir lei numeru 5/2007 ne’ebe kolia kona-ba CNE nia kompetensia dehan katak hahu kedas husi prosesu registu eleitoral mai too resultadu final ne’ebe proklama husi Tribunal Rekursu, CNE tenki hola parte kedas iha prosesu hirak ne’e maske CNE nia kna’ar atu tau matan deit maibe CNE iha kbiit boot atu aprova regulamentu hirak ne’e inklui formulario ne’ebe STAE prepara. Ida ne’e ami haree katak hanesan desafiu ida tamba bele kria imagem ida katak STAE ne’e orgaun ida ne’ebe ladun serbisu ho orgaun eleitoral sira seluk hanesan CNE no Tribunal Rekursu.

Agora dadaun, husi serbisu STAE ne’e depois apresentasaun kandidaturas tuir kalendario ne’ebe iha maka sira sei fo sai lista temporario no taka iha suku ida-ida. Too dia 5 fulan Setembru, populasaun sira iha suku refere bele hatama sira nia reklamasaun ba lista kandidatura sira ne’e.***

DADUS FINAL LISTA KANDIDATURA- DISTRITU BOBONARO

2009-09-09T22:09:00.000-07:00

Distritu Bobonaro :

Total Sucu : 50 Suku

Total Pakote Xefe Suku : 125 pakote

Kandidatura Pakote total : 2.493 kandidatura

Sub Distritu Atabae, Total pakote 13 / Total kandidatura 290

Suku Atabae : 3/66
Suku Aidabaleten : 4/104
Suku Hataz : 4/80
Suku Rairobo : 2/40

Sub Distritu Balibo, Total pakote 21 / Total kandidatura 446

Suku Balibo Vila : 4/104
Suku Batugade : 4/72
Suku Cowa : 3/66
Suku Leolima : 4/80
Suku Leohitu : 4/88
Suku Sanirin : 2/36

Sub Ditritu Bobonaro, Total pakote 44 / Total kandidatura 882

Suku Aiassa : 2/48
Suku Atuaben : 1/16 (kandidatura uniku)
Suku Bobonaro Vila : 2/36
Suku Carabau : 1/22 (kandidatura uniku)
Suku Cota Boot : 2/32
Suku Colimau : 3/66
Suku Ilatlaun : 2/36
Suku Lour : 3/60
Suku Leber : 3/66
Suku Lourba : 2/40
Suku Maliubu : 4/88
Suku Malilait : 3/54
Suku Molop : 3/60
Suku Oelu : 2/32
Suku Soilesu : 2/32
Suku Sibuni : 3/54
Suku Tapo : 3/48
Suku Tebabui : 3/54

Sub Distritu Cailako, Total Pakote 17 / Total Kandidatura 288

Suku Atudara : 1/20 (kandidatura uniku)
Suku Daudu : 2/36
Suku Guenulai : 3/36
Suku Goulolo : 2/36
Suku Manapa : 2/36
Suku Maligo : 2/40
Suku Porugua : 3/48
Suku Raiheu : 2/36

Sub Distritu Lolotoe, Total pakote 17 / Total kandidatura 303

Suku Daudet : 3/ 54
Suku Guda : 2/40
Suku Gildapil : 3/51
Suku Lebos : 3/48
Suku Lontas : 1/18 (kandidatura uniku)
Suku Lopal : 3/54
Suku Opa : 2/38

Sub Distritu Maliana, Total pakote 13 / Total kandidatura 322

Suku Holsa : 2/48
Suku Lahomea : 2/44
Suku Odomau : 1/20 (kandidatura uniku)
Suku Raifun : 1/18 (kandidatura uniku)
Suku Ritabau : 3/108
Suku Saburai : 2/36
Suku Tapo Memo : 2/48

Populasaun iha suku neen (6) mak hili kandidatura ida deit (kandidatura uniku), suku hirak ne’e mak suku Odomau, Raifun, Atuaben, Carabau, Atudara, no suku Lontas.

Haree husi total suku 50 ne’ebe iha distritu Bobonaro maka 12% mak suku ho kandidatura uniku.

LISTA PAKOTE LIDERANSA KOMUNITARIA- DILI

2009-09-09T22:04:00.000-07:00

Sub Distritu : Dom Aleixo kompostu husi Suku 4,

Suku Comoro, kompostu husi Aldeia 31 = Pakote 5
Suku Fatudaha, kompostu husi Aldeia 5 = Pakote 5
Suku Kampung Alor, kompostu husi Aldeia 3 = Pakote 3
Suku Bairopite, kompostu husi Aldeia 32 = Pakote 1

Sub Distritu Nain Feto, kompostu husi Suku 6,

Suku Bidau Lesidere, kompostu husi Aldeia 2 = Pakote 3
Suku Akadiruhun, kompostu husi Aldeia 4 = Pakote 3
Suku Crisinfor, kompostu husi Aldeia 3 = Pakote 2
Suku Bemori, kompostu husi Aldeia 4 = Pakote 4
Suku Santa Cruz, kompostu husi Aldeia 6 = Pakote 2
Suku Lahane Oriental, kompostu husi Aldeia 13 = Pakote 3

Sub Distritu Vera Cruz, Kompostu husi Suku 7,

Suku Vilaverde, Kompostu husi Aldeia
Suku Dare, kompostu husi Aldeia 10 = Pakote 3
Suku Lahane Osidental, kompostu husi Aldeia 11 = Pakote 2
Suku Mascarinhas, kompostu husi Aldeia 6 = Pakote 2
Suku Caicoli, kompostu husi Aldeia 5 = Pakote 2
Suku Motael, kompostu husi Aldeia 5 = Pakote 3
Suku Colmera, kompostu husi Aldeia 2 = Pakote 2

Sub Distritu Cristu Rei, kompostu husi Suku 7

Suku Becora, kompostu husi Aldeia 14 = Pakote 2
Suku Balibar, kompostu husi Aldeia 4 = Pakote 3
Suku Bidau Santana, kompostu husi Aldeia 4 = Pakote 2
Suku Kuluhun, kompostu husi Aldeia 8 = Pakote 2
Suku Camea, kompostu husi Aldeia 6 = pakote 2
Suku Metiaut, kompostu husi Aldeia 3 = Pakote 2
Suku Hera, kompostu husi Aldeia 6 = Pakote 1

Ema La ba Hili Tamba Sira Tenke Hare’e Sira nia Oan no Toos

2009-09-06T22:06:00.000-07:00

Eleisaun hanesan dalan demokrasia ida ba povo atu bele desidi sira nia lideransa no reprezentante. Maski dalaruma CNE no STAE hasoru problema barak atu bele realiza eleisaun maibe sira sempre enforsu an para demokrasia bele metin nafatin iha Timor Leste. Sra. Manuela Leong, hanesan Komisario Nasional CNE husi representante feto iha responsibilidade boot atu bele haforsa feto nia partisipasaun iha eleisaun. Nia mos hetan opurtunidade halo observasaun durante Eleisaun 2009 iha Indonesia. Esperiensia saida mak nia hetan durante iha ne’eba, mai ita akompanha artikel ida ne’e!

“Hau hakarak dehan feto iha Palembang – Indonesia forte la halimar tamba sira nia luta tenke alkansa hanesan mane maski sira nia lei ladun apoio. Hau hakfodak tebes tamba ami ba ne’ebe ne’ebe deit feto sira sempre makaas, por ezemplu bainhira Hau ba haree ba PPS (Panitia Pemilihan Suara), feto sira sempre iha, dalaruma feto mak sai koordenadora. Iha Indonesia susar ba feto atu bele hetan posisaun hanesan ne’e tamba sira tenke kompete maka’as laos tamba ema fo deit. Posisaun seluk hanesan direitor STAE iha Palembang mos feto, entaun iha ne’eba ita haree feto forte liu.

Iha parte seluk, komunidade sira iha ne’eba mos hakarak fo kontribuisaun maka’as ba sira nia eleisaun. Sira fo sira nia fatin luan iha sira nia komunidade para bele halo eleisaun. Maibe fatin ne’e mos tenke iha garante komunidade bele fo sira nia vota ho seguru, livre no segredu.

Situasaun ida ne’e la hanesan ita nia eleisaun ne’ebe tenke halo iha fatin publiku. Tamba iha parte ida ita sempre la fiar malu sei eleisaun halo iha fatin privadu, oinsa bele asegura eleisaun nia netralidade.

Maibe eleisaun iha fatin publiku hanesan eskola mos hamosu problema seluk, dalaruma sentru votasaun ne’e dook husi komunidade nia fatin no halao votantes sira tenke lao dook para bele hetan sira nia direitu atu vota. Barak ema la ba hili tamba sira dehan sira tenke haree sira nia oan no haree sira nia toos.

Haree ba Hau nia esperiensia iha Eleisaun tinan 2007, hainhira Hau lao ho kareta ba sentru votasaun, Iha dalan Hau haree senhora ida sei fase ropa, Hau tun husi kareta no husu ba nia, “Ita la ba vota ?” Senhora ida ne’e mos hateten, “Iha uma ema la iha, hau hein labarik lai”. Sentru votasaun rasik susar no dook la halimar, ne’e akontese iha Soru Kraik, distritu Ainaro.

Sentru votasaun ho distansia besik bele halao ema hotu hetan asesu ba elei- saun hanesan eleisaun iha Palembang – Indonesia. Iha ne’eba sira halo sira nia eleisaun iha komunidade nia laran. Ema hotu hotu bele hetan asesu lalais atu bele ba vota, tuku 11 – 12 prosesu eleisaun bele taka ona tamba votantes hotu fo ona sira nia vota maski tuir lolos prosesu foin bele taka iha tuku ida.

Iha prosesu eleisaun, ita mos hetan obstaklu barak liu-liu kona-ba transporte. Ita bele haforsa feto sira, fo kbiit ba sira, fo motivasaun ba sira maibe bainhira parte transporte ne’e ladun suporta maka sira la bele ba fatin votasaun atu fo sira nia vota. Tamba ne’e organizasaun no groupus sira fo apoiu ba votantes iha distritu tenke hanoin fasilita ba transporte bainhira votantes sira tuir treino ruma. Iha parte seluk ita mos tenke haforsa ekonomia tamba Hau hanoin sei Xefe Suku no Konselhu Suku simu deit osan uitoan, ne’e la too ba sira no la bele fasilita sira nia serbisu. Uluk, Xefe Suku ida hetan motorizada maibe sira la halo sira nia kna’ar, tamba saida?

Por ezemplu Xefe Suku balun taka deit lista naran kandidata para ema haree sira nia naran iha kalae, depois taka sira halo sira nia serbisu iha toos ka fatin seluk, kalan mak foin sira fila ba uma. Bainhira ami husu sira dehan, “Imi selu ami hira? Ami la bele ba toos, Ami taka hirak ne’e hein ema halo reklamasaun?”, ne’e problema ida. Agora hanesan Konselhu Suku ne’e oinsa, kuandu ita la fo benefisiu ruma ba sira, sira nia naran tama nafatin iha Konselhu Suku maibe sira la halo sira nia kna’ar.

Hau hanoin organizasaun sira tenke ajuda ba problema hirak ne’e inklui mos donor sira tamba dalaruma sira halo treinamentu ruma lakohi selu transporte, oinsa ema bele partisipa, mai lao deit ka? Sei osan transporte la iha sira lakohi mai, tamba ne’e NGO sira ne’ebe serbisu hamutuk ho donor tenke fo enkorajem, ita tenke hanoin ita la selu para sira mai maibe ita fo motivasaun sira ho transporte”.***

HARÍI NASAUN, IGUALDADE NO LUTA FETO NIAN

2009-09-06T21:57:00.000-07:00

SAIDA MAK HARÍI NASAUN ?

Iha materia polítika barak maka ko'alia kona-ba kodik haríi nasaun. Ema barak dehan haríi nasaun ne’e hanesan identiku ho prosesu demokrasia. Nu’udar nasaun foun, ita iha dezafiu bo’ot tamba muda husi sistema kolonialismu no okupasaun militar ne’ebé fó impaktu bo’ot ba mentalidade ita nian nasaun. Agora, ita sei simu tutan husi beiala sira ne'ebé mak karakterizadu ho sistema feodal no patriakal. Sistema patrealismu ne’e mós sei sai nu’udar dezafiu bo’ot ida ba jerasaun fóun nebe sei tenta atu haburas hametin sistema ida ne’e. Maski sistema patrialismu halo feto sira iha segunda klase, ita sees husi faktores istoriku ne'ebé hatudu envolvimentu feto iha prosesu haríi nasaun desde inisiu kedas, desde iha organizasaun feto ho naran OPMT. Iha tinan 1974, depois ita hetan restaurasaun independensia iha 2002, sosiedade civil sai fali faktores importante ida ba prosesu demokratizasaun. Feto nu’udar forsa polítika bo’ot iha Timor Leste kaer xave ba situasaun polítika nasaun ida ne’e liu husi prosesu eleisaun nu’udar instrumentu demokrasia.

Ita bele haree iha lei eleitorál iha ne’ebá hatuur quota jéneru ida ne'ebé lei dehan katak en kada grupu de quadro tenki iha pelumenus feto ida. Artigu iha lei eleisaun ne’e hanesan resultadu ida husi sosiedade sivil ne'ebé ijiji quota 30% ba feto iha Parlamentu. Maski hetan de'it quota jéneru 4 : 1, pelumenus iha avansu. Iha vida polítika, foin dadauk husi kandidatura prezidente nain ualu, kandidata ida mak feto. Iha Parlamentu sira, ita iha mós Grupu Feto Parlamentar (GMPTL), feto mós iha membrus governu, Ministra to’o Vise Ministra, feto mós bele kaer pozisaun Diretora Publiku, no pozisaun iha diretor sira nia okos, ne’e avansa ida ba feto nia partisipasaun iha haríi nasaun. Ne’e signifika ita nia país fó vantagem ba ita nian an no ita rasik komesa hahu fó valor ba ita nian an. Maibé feto sira seidauk uza sira nia forsa politiku ho maximu atu bele lori feto maluk sira avansa ba oin husi dizigualdade. ***

IGUALDADE JÉNERU IHA TIMOR LESTE

Valor ida husi prinsipiu Direitus Umanus dehan katak ema hotu-hotu moris nu’udar ema livre ida, iha direitu no dignidade hanesan laiha diferensa jéneru, rasa, suku, relijiaun, etnika nomós idade. Husi prinsipiu ida ne’e, Timor Leste nu’udar membru Nasoens Unidas iha obrigasaun ida atu bele garantia igualdade direitus entre feto no mane atu sira bele goza sira nia direitu iha setor ekonomia, sosial, kultura, sivil, polítika no setor seluk tan.

Igualidade jéneru entre feto no mane hanesan direitu ida ne'ebé fundamental iha justisa sosial. Maibé feto barak sei hetan dizigualdade jéneru liu-liu iha parte edukasaun, saúde no ekonomia. Kuaze dois terco husi populasaun mundial analfabeto mak feto ne'ebé mós fó influensa maka’as ba transfere informasaun jéneru iha sosiedade nia laran. Ho edukasaun, feto maluk sira bele sai matenek nomos bele halo mudansa iha ita nia moris atu bele kontra sistema ne’e rasik. Impaktu husi ne’e mak sistema patriakal metin nafatin iha sosiedade nia leet. Laós de'it akontese iha fatin rurais maibé akontese mós iha sidade Dili. Iha mundu tomak inklui mós Timor Leste, diskriminasaun ne'ebé bazeia ba jéneru hanesan kauza prinsipal ida ba akontese violénsia doméstika . Tamba ne’e Governu Timor Leste iha dever atu haka’as an hodi halakon diskriminasaun ida ne’e liu husi sistema lei.***

HAKOTUK DISKRIMINASAUN BA FETO

Diskriminasaun ba feto ne’ebé buras nafatin iha ita nia sosiedade presiza atensaun maka’as husi feto sira. Hakarak ka lakohi, feto hotu tenki hanoin ba feto maluk sira iha area rurais ne’ebé infrenta difikuldade bara-barak no sai vítima nafatin. Ne’e realidade ne'ebé feto sira tenke simu.

Halakon diskriminasaun komesa husi ita nian an rasik, ita-nia familia foin hakat ba ita nia komunidade. Feto la bele moe no tauk atu avansa ba oin. Tempu to’o ona para feto maluk sira mós bele tuur iha oin atu bele foti dezisaun no luta ba futuru feto nian. Solidariedade entre feto ho feto nomos entre feto ho mane hanesan parseiru tenke hametin liu husi partisipasaun media komunikasaun hanesan matadalan ba sosiedade.***

LUTA IGUALDADE NO POLITIKA

Ema barak hatete politika laos fatin ba feto sira tamba area ida ne’e nakonu ho konflitu, hadauk malu poder, agresifitas, negoizasaun politika, no seluk tan. Area ida ne’e mos presiza profil publiku ne’ebe diferensa ho karakterismu maioria feto moris iha area domestika. Maibe kondisaun ida ne’e la halo feto sira fraku, feto barak sei enforsu sira an atu bele involve iha politika no sai lideransa diak ida hanesan Benazir Bhutto, eis Presidente Pakistan, Corazon Aquino, eis Presidente Philipina, Megawati Soekarnoputri, eis Presidente Indonesia, Margareth Teacher, Hilarry Clinton no seluk tan.

Feto Timor nia luta iha tempu pasadu hatudu ba ita katak sira mós bele hamriik kaer kilat hanesan mane iha invasaun to’o resisténsia. Iha tempu ukun an, maski infrenta problema oin-oin, movimentu luta ba igualdade kontinua nafatin. Agora dadaun, feto barak mos bele tuur iha Parlamentu Nasional, serbisu iha ita nia governo, involve iha area ekonomia, edukasaun no saude inklui setor-setor privadu seluk- tan. Husi Eleisaun Legislativa tinan 2007, feto nain 19 hetan posisaun hanesan deputada iha Parlamentu Nasional. Maibe resultadu husi Eleisaun ba Lideransa Komunitariu tinan 2004 hatudu seluk, partisipasaun feto iha nivel suco sei kiik tebes, feto nain 4 deit eleito sai Xefe Suku husi 442 total suku iha Timor Leste. Nesesidade feto hanesan sexu maioria iha Timor Leste lahanesan ho mane sira. Nesesidade ida ne’e so feto deit bele hatene tamba ne’e sira presiza forsa politika boot ida atu bele halo mudansa iha politika nasaun ida ne’e ba politika ne’ebe sensitivu jeneru no resolve konflitu ho dame no la usa violensia.

Estadu rasik mos tenke tau matan ba posisaun feto iha prosesu politika tamba sei sira haluha asuntu feto durante foti desizaun maka ida ne’e hanesan kontra direitus humanus tamba feto hanesan votantes mairioa iha nasaun ida ne’e. Ita mos bele dehan demokrasia ne’ebe la involve partisipasaun feto laos demokrasia no legitimasaun ne’ebe mosu husi prosesu politika ne’ebe demokratis tenke haree ba intereste husi sira nia votante ne’ebe kompostu husi feto no mane. Realidade hatudu mai ita, iha politika, komposizaun entre feto no mane seidauk balansia, mane involve barak liu duke feto. Ida ne’e halo feto nia lian ba sira nia nesesidade sai fraku no sira la bele lori mudansa signifikant ba kondisaun ne’ebe sira enfrenta. Tamba ne’e ita, feto presiza aumenta feto nia partisipasaun ativa iha instituisaun politika hotu hotu husi nivel aldeia too Parlamentu Nasional.***

SAIDA MAK ITA TENKE HALO?

Feto barak sei moris iha dizigualdade jéneru, maski feto balun kontinua nafatin luta ba asuntu igualdade no direitu feto nian. Maibé luta ba igualdade jéneru la’os de'it luta ativista feto sira. Mós, la’os responsibilidade husi deputada feto sira iha Parlamentu Nasional. Asuntu igualdade jéneru hanesan ita hotu-hotu nia luta, la hareé ba sexu feto ka mane, hotu-hotu iha responsibilidade atu bele moris ho igualdade entre feto no mane atu bele hametin kontrusaun nasaun Timor Leste. Tamba ne’e, mai ita hamutuk fó ita-nia solidariedade, fó liman ba malu, labele sai tan opozisaun ba feto maluk rasik nomos tenki iha konsistensia no konsensu nasional atu bele avansa ba oin.

Iha Eleisaun ba Lideransa Komunitaria 2009 oin mai fo ona dalan luan ida mai ita atu bele halao mudansa iha ita nia sistema moris loron-loron liu-liu iha ita nia aldeia no suco. Liu husi eleisaun ida ne’e feto hotu bele kontribui iha luta ba igualdade iha aldeia no suco ida ida ho kandidata no apaoio feto maluk sira ne’ebe iha kapasidade boot atu bele kaer kargo hanesan Xefe Aldeia, Xefe Suku no tuur hanesan membru Konselhu Suku. Se iha pasadu feto sira bele hatudu sira nia brani hasoru militarismu Indonesia nusa ita la bele hamrik hamutuk kaer feto nia luta no dudu feto potensial sira iha Timor laran tomak sai LIDERANSA iha aldeia no suco ida-ida. Opurtunidade ida ne’e bele hametin liu-tan funsaun reto iha harii ita nia nasaun tamba feto mos iha direitus hanesan mane sira atu tuur hanesan lideransa ba nasaun doben Timor Leste.

Komesa ohin, mai ita hamutuk loke dalan no apoio feto potensial sira bele kompete iha Eleisaun ba Lideransa Komunitaria 2009.***

Projeitu ne’e Hanesan Ponte Ida Atu Bele Prepara Lideransa Feto iha Nivel Suku

2009-09-06T21:50:00.000-07:00

Naturalidade kultural patriakal iha sosiedade TL hamosu mos disigualdade jeneru bainhira feto sira marjinalizadu laos deit iha sira nia asesu ba serbisu sira maibe mos iha sira nia partisipasaun efeitivu iha politika no foti desizaun. Reprezentante feto 29% iha Parlamentu Nasional no 27.6% iha Konselhu Suku nian, tamba asaun afirmativu husi Lei Eleitoral 2006 nian no ba Eleisaun Konselhu Suku 2004-2005 nian. Maski nune feto sira sei falta komunikasaun, konfiansa, konesementu no abilidade atu involve di-diak iha no influensia rekonstrusaun hafoin konflitu no prosesu harii nasaun ne’ebe responsive ba sira nia nesesidade. Maski feto Timor hasoru problema maibe la hapara movimentu feto atu bele liberta husi violasaun no disigualdade.

Iha fulan Outobru 2008, Rede Feto asina kontratu ho UNDEF no UNIFEM kona-ba hametin feto nia funsaun liu-liu iha nivel Konselhu Suku. Projeitu sei uja elisaun Konsellu Suku iha tinan 2009 hanesan opurtunidade estratejiku ida hodi hametin partisipasaun feto sira nian iha harii nasaun hafoin liu tiha konflitu iha Timor Leste no dezenvolve ajenda rekontruksaun ne’ebe responsive ba janeru iha nivel lokal.

Eleisaun lokal ne’ebe halao tiha ona iha tinan 2004-2005 reinforsa opurtunidade ba fortalesimentu feto sira nian iha politiku. Durante eleisaun lokal iha tina 2004-2005, feto sira hetan kampanha ba posisaun hanesan Xefi Suku no Xefi Aldeia no reprezentante ba Konselhu Suku. Feto hamutuk nain 29 mak eleitu ona, kompostu husi Xefi Suku nain 7 no Xefi Aldeia nain 22. Feto liu nain 1300 mak eleitadu ona hanesan membru Konselhu Suku nian, ida ne’e mosu hanesan resultadu ida husi pozisaun tolu ne’ebe reserva ba feto sira atu tu’ur iha kada Konselhu Suku nian (feto nain rua no representante foin-sae feto ida).

Hafoin halao tiha eleisaun, projeitu ne’e sei apoio ajenda dezenvolvimentu lokal ne’ebe responsive ba jeneru liu husi hadia konesementu no abilidade Konseleiru Suku eleitadu feto sira hodi bele partisipa iha governasaun lokal no iha implementasaun planu dezenvolvimentu lokal ne’ebe responsive ba jeneru. Projeitu ne’e mos sei promove plataforma politika rekontruksaun ne’ebe responsive ba jeneru hodi liga ofisial eleitadu sira iha nivel nasional no Konselhu Suku feto sira ne’ebe eleitadu hodi haforsa liu tan apoio no dialogu entre feto eleitadu sira ne’e.

Rede Feto hanesan organizasaun ne’ebe hetan fiar atu bele implementa programa ida ne’e halao ona atividade preparasaun. Rede Feto liu husi membru nain 4 hanesan PAS, GFFTL, UNFETIF no Centru Feto Enklave Oecusse serbisu ba suksesu programa ida ne’e. Lansamentu ba projeitu ne’e rasik halao ona iha fulan ida ne’e no hetan antusiasmu maka’as husi autoridade lokal iha distritu 4. Sra. Eveline Iman hanesan koordenador ba projeitu ida ne’e hatete katak projeitu ida ne’e atu lider lokal iha distritu 4 ne’e bele hatene no halao kolaborasaun hamutuk ho membru nain 4 husi Rede Feto ne’ebe implementa programa.

Hare ba objetivu, projeitu ne’e hanesan ponte ida atu bele prepara lideransa feto iha nivel suku inklui mos prepara ba kuantidade no kualidade feto hira tu’ur iha Konselhu Suku. Preparasaun ba rekursu umanu liu-liu ba feto sai importante atu bele kria lideransa feto ne’ebe forte atu bele lori asuntu feto laos deit iha Konselhu Suku maibe mos bele lori asuntu ida ne’e to’o Parlamentu Nasional.

Projeitu ida ne’e implementa iha distritu ha’at hanesan Ermera, Oecusse, Lautem no Viqueque. Distritu hirak ne’e identifika ona tamba disparidade jeneru ne’ebe aas iha area edukasaun no saude, nivel violensia seksual no violensia baseia ba jeneru a’as tebes liu-liu kazu violensia domestika no asesu ne’ebe limitadu ba sistema justisa formal no feto sira sadere deit ba justisa tradisional. Nune’e mos, distritu Viqueque hanesan lokalidade pilotu ne’ebe implementa ona Programa Apoiu Governasaun Lokal (LGSP) iha ne’e mos Konselhu Suku sei iha oportunidade atu influensia ajenda dezenvovimentu lokal husi perspektiva jeneru.

Projeitu ne’e sei baseia eisperiensia no rede hirak iha Programa Atu Hametin Lideransa Feto Rural sira nian no Partisipasaun hodi hari nasaun Timor Leste (PERWL) iha tinan 2004-2007. ***

HAMETIN FETO NIA PARTISIPASAUN IHA ELEISAUN

2009-08-31T00:24:00.000-07:00

Feto sira kompostu kuaze pursentu 49.1 husi total populasaun Timor Leste tuir census populasaun no uma iha tinan 2004. Maski Feto barak liu duke mane, faktus ida ne’e la hatudu feto bele hetan sira nia igualdade iha moris lor-loron. Sistema kultural nafatin kesi metin feto sira ho sistema patriakal ne’ebe halo feto nia estatutu iha segunda klasse no fo impaktu boot ba sira nia partisipasaun iha harii nasaun demokratiku.
Passu importante husi prosesu hari’i nasaun mak eleisaun hanesan dalan ida atu fó kbiit liután instituisaun ne´ebe iha responsabilidade no demokrasia. Partisipasaun iha demokrasia laos deit responsibilidade husi mane sira maibe mos responsibilidade husi feto sira maski sira falta buat barak. Iha Demokrasia, partisipasaun feto no mane tenke baseia ba igualdade, hotu-hotu tenke hanesan.
Feto Timor rasik mos tenke fo prioridade atu bele aumenta sira nia partisipasaun iha pozisaun lideransa polítika tamba bainhira iha feto barak liu-tan iha Parlamentu Nasionál, Governu Lokál, sektor públiku no sektor privadu, ida ne’e sei fo impaktu pozitivu kona-ba esforsu atu defende feto nia direitu no igualdade. Progresu barak hetan ona iha tomada desizaun publika no lideransa.
Durante Eleisaun Nasionál iha tinan 2001 nian, medida asaun afirmativa ne’ebe feto halo rezulta numero feto porsentu 26 bele tama ba Parlamentu Nasional. Porsentase 25 husi membru komisariu husi Komisaun Eleitorál Independente (CNE) maka feto husi total ema nain 15.
Feto barak mos reprezenta ona pozisaun aas iha governu nia laran hanesan Ministeriu Justica (MJ), Ministeriu Financas, Ministeriu Sosial no Solidaridade (MSS), Vise Ministru Saude no Secretaria Estadu Promousaun Igualdade (SEPI). Maibe resultadu diak ida nivel nasional la hanesan ho resultadu ita hetan husi partisipasaun feto nian iha nivel komunitariu, husi total 442 suku iha Timor laran tomak, feto nian partisipasaun menus 1% kompostu husi feto nain 7 eleitu sai Xefe Suku no feto nain 22 eleitu sai Xefe Aldeia. Haree resultadu ida ne’e, partisipasaun feto sei kiik tebes kompara mane tamba ne’e presiza kria kondisaun ne’ebe kondusivu ba feto atu bele partisipasaun diak liu-tan iha fatin hotu ho garantia katak feto mos hetan asesu hanesan iha kuadro informasaun no enkontru komunidade para sira bele konkore sai lideransa komutariu.***

SE MAK TAMA BA LIDERANSA KOMUTARIU ?
Tuir lei No 3/2009, lideransa komutariu sei halo husi chefe suku no konselhu suku, iha limite suku ne’e nian no aldeia sira. Konselhu Suku rasik hanesan organ kolektivu no konsultativu nian, destinadu atu tulun no fo konselhu ba Xefe Suku kompostu husi Xefe Suku, Xefe Aldeia hotu-hotu nomos membru husi feto, joven feto no mane, katus ka ferik nomos lia nain ida. Komunidade sira mak hili Xefe Suku no membru Konselhu Suku liuhusi Eleisaun Lideransa Komunitariu ne’ebe halo tinan 4 dala ida.

SAIDA MAK FUNSAUN LIDERANSA KOMUTARIU?
Lideransa komunitariu hanesan Xefe Suku no Konselhu Suku iha responsibilidade atu bele halao dezenvolvimentu iha area hanesan pas no armonia social; resenseamentu no rejistu populasaun nian ; edukasaun civika ; promousaun kona-ba dalen ofisial sira ; dezenvolve ekonomiku ; seguransa alimentar ; protesaun kona-ba meiu ambiente ; edukasaun, kultura no desportu ; nomos tulun hodi halo manentensaun ba infraestrutura social sira.

SE MAK BELE SAI LIDERANSA KOMUNTARIU ?
Sidadaun Timor Leste sira, feto ka mane laiha diskriminasaun, bainhira kompleta ona tinan sanulu-resin-hitu (17) too loron aprezentasaun kandidata sira-nian iha direitu direitu bele sai Xefe Suku. Kandidata sira mos tenke hela ka rejista tia-ona nudar eleitor iha suku ka aldeia ne’ebe maka nia kandidata an.
Maibe tuir lei no 3/2009 kona-ba lideransa komutario bandu ema balun la bele kandidata an ba orgaun sira suku nian hanesan :
Prezidente Republika, Deputada Parlamentar Nacional, membru Goverrno nian, Majistradu Judisial no Ministeriu Publiku, Autoridade relijioza sira, membru Falintil-FDTL, membru PNTL, Komisariu CNE, Provedor Direitus Humanus no Justisa no ninia ajuntu sira, nomos funsionario publiku sira.

OINSA FETO SIRA BELE KANDIDATA AN?
Eleisaun Liderasansa Komutariu 2009 la hanesan eleisaun uluk halo iha 2004/2005, tamba iha eleisaun tinan ida ne’e, lei hateten katak ema sira ne’ebe hakarak sai kandidata tenke hetan apoiu husi 1% populasaun iha sucu ida ida se total populasaun 3000 ba leten ou hetan apoiu husi 30 apoiante husi suku refere se total populasaun rihun 3 ba kraik,

SAIDA MAK KANDIDATURA SIRA TENKE LORI BA?

Lista kandidaura kompletu (kandidatura ba Xefe de Sucu, Xefe Aldeia, Konselhu Suku nomos suplente sira)
Karta aseitasaun kandidatura sira nian ne’ebe hakerek husi kandidatu ida-idak no suplente
Lista asinatura apoiante pelomenus husi 1% husi eleitor sira ne’ebe hela iha suku refere ou pelumenus asinatura tolunulu (30) husi eleitor sira ba suku ne’ebe total eleitor menus husi rihun tolu.