Timor Post / 1 Outoubru 2009 Atu hametin paz no unidade iha Eleisaun Lideransa Komunitaria, Komisariu CNE halao asina kumprimisu ba kandidatura lideransa komunitaria (KLK) iha salaun Canosiana Becora-Dili foin lalis ne’e.
Hafoin asina kumprimisu hamutuk ho lideransa komunitaria sira, Presidente CNE Faustino Cardoso Gomes ba jurnalista sira informa katak termus komprimisu ne’e nia objetivu atu regula lideransa komunitaria sira iha tempo kampanha atu nune’e sira la bele hakat liu regra ne’ebe hakerek ona iha kodigu konduta ne’ebe desidi ona iha komprimisu ne’ebe sira asina hamutuk.
Faustino hateten katak kandidatu lideransa komunitaria sira wainhira halao kampanha le bele hakat liu baliza suku seluk nian no la bele halao kampanha iha oras ne’ebe hanesan tamba bele kria instabilidade iha tempu kampanha. Xefe suku aktual sira ne’ebe kandidata an fila fali la bele usa fasilidade estadu nian hanesan motor hodi halao kampanha tamba ne’e bele kria instabilidade iha tempu kampanha.
Faustino mos hatutan katak karik iha evidensia ruma hatudu katak pakote rua maka halao kampanha iha oras hanesan entaun tenki fo hatene ba CNE atu nune’e bele bolu hodi fo hanoin ba sira ho konsensia katak se maka atu halao uluk kampanha.
Faustino mos esplika katak iha kampanha ne’e buat ne’ebe maka prinsipalmente kandidatu lideransa komunitaria sira atu hatoo ba publiku maka kona-ba sira nia programa.
Iha fatin hanesan Afonso da Cruz, xefe suku aktual Bemori hateten katak komprimisu ne’ebe sira asina hanesan ne’e hanesan programa governo nian tamba ne’e sira se fo fila fali ba governo liu husi konkordansia ne’ebe sira halao hamutuk
Bainhira husu kona-ba poin balu husi komprimisu ne’ebe bandu sira la bele usa fasilidade estadu nian hanesan motor hodi halao kampanha, Afonso hateten, ne’e loos no labele hamosu konfusaun ba komunidade sira iha tempu kampanha.***
This comment has been removed by the author.
ReplyDeleteiha ne'e la'os dehan hau halo komentario maibe'e hau husu klarifikasaun deit husi parte kompetente,nia apoiu informasaun. Pelumenus Iha kriteria ka rekezitus ruma ba kandidatura foun sira maka hanesan sa'isaida.?
ReplyDeleteHau husu ne'e ho nia razaun tanba, Oras ne'e dau-daun Governu RDTL inplementa hela politika integradu ida atu devolve poder no lori prosesu dezenvolvimentu hakbesik liu tan ba komunidade rural sira ne'e maka hanaran "Municipiu" Iha ne'e lakleur tan xeku mos sei sai hanesan Orgaun konsultivu ida iha prosesu dezenvolvimentu nebe sei dezenvolve iha municipiu ida-idak.
Parte kompetente mos presija hare ka selesiona rekursu humanu nebe iha kualidade diak nune'e planu dezenvolvimentu ne'e la lika bazeia deit ba iha leten maka lori tun mai maibe,presija mos lideransa komunitario tenki iha mos ilusaun abstratu ruma ba prosesu dezenvolvimentu nebe maka presija, pelumenus bele dejenha proposta ruma liu husi programa PRA (Partisipatorio Rural Apraiser)nian iha suku ida nia laran.
Rekomendasaun:
Parte kompetente tenki iha politika diak ida para oinsa buka koopera tok ho Universidade sira nebe maka iha ka loke departementu kona ba; Desenvolvimentukomunitario sira ne'e nune, bele rekruta kakoloka sira ba fatin propio sirahanesan ne'e.
Transformasaun hanesan prosesu ida oinsa muda ema nia prespektiva hodi hatene hateke ba futuru nafila nebe sei mosu.
Obrigadu...!!!!!!